ഫ്രാൻസിലെ എനർജി സ്ഥാപനമായ TotalEnergies, ബ്രിട്ടീഷ് കൊളംബിയയുടെ വടക്കൻ തീരത്ത് പ്ലാൻ ചെയ്തിരിക്കുന്ന Ksi Lisims LNG പദ്ധതിയിൽ നിന്ന് പ്രതിവർഷം 2 മില്യൺ ടൺ LNG വാങ്ങാൻ 20 വർഷത്തേക്ക് കരാർ ഒപ്പുവെച്ചതായി പ്രഖ്യാപിച്ചു.
ഈ കരാറിന്റെ ഭാഗമായി, TotalEnergies പദ്ധതിവികസിപ്പിക്കുന്ന വെസ്റ്റേൺ LNG-യിലുളള 5 ശതമാനം ഓഹരി സ്വന്തമാക്കുകയും ചെയ്തു. കൂടാതെ, അന്തിമ നിക്ഷേപ തീരുമാനത്തിനു (Final Investment Decision – FID) ശേഷം, ഈ ഓഹരി 10 ശതമാനത്തോളം വരെ വർദ്ധിപ്പിക്കാനുള്ള പ്രത്യേക അവകാശവും കമ്പനിയ്ക്ക് ലഭിച്ചിട്ടുണ്ടെന്നാണ് റിപ്പോർട്ട്.
ക്സി ലിസിംസ് LNG പദ്ധതി എന്നത് ബ്രിട്ടീഷ് കൊളംബിയയിലെ ഗിങ്ങോൾക്സിൽ നിന്ന് ഏകദേശം 15 കിലോമീറ്റർ അകലെയുള്ള വിൽ മിലിറ്റ് എന്ന സ്ഥലത്ത് നിർമ്മിക്കാൻ ഉദ്ദേശിക്കുന്ന പ്രതിവർഷം 12 മില്യൺ ടൺ ശേഷിയുള്ള ദ്രവീകൃത പ്രകൃതി വാതക പ്ലാന്റാണ്. ഈ പദ്ധതി നിസ്ഗാ നേഷൻ, റോക്കീസ് LNG പാർട്ട്നേഴ്സ്, വെസ്റ്റേൺ LNG എന്നിവരുടെ സംയുക്ത സംരംഭമാണ്. 2023 ഒക്ടോബറിൽ പദ്ധതി പാരിസ്ഥിതിക അനുമതിക്കായി അപേക്ഷിച്ചിരുന്നു. 2025-ൽ അനുമതി ലഭിച്ചതിനുശേഷം നിർമ്മാണം ആരംഭിക്കുകയും 2029-ൽ പ്രവർത്തനക്ഷമമാകുകയും ചെയ്യുമെന്നാണ് പ്രതീക്ഷിക്കുന്നത്.
ഈ കരാർ പദ്ധതിയുടെ രണ്ടാമത്തെ വലിയ വാങ്ങൽ കരാറാണ്. 2024-ൽ ഷെൽ ഈസ്റ്റേൺ ട്രേഡിങ്ങുമായി സമാനമായ ഒരു കരാറിൽ ഏർപ്പെട്ടിരുന്നു. വെസ്റ്റേൺ LNG യുടെ ഡേവിസ് തെയിംസ് ടോട്ടൽ എനർജീസിനെ “largest buyer of North American LNG” എന്ന് വിശേഷിപ്പിച്ചു. നിസ്ഗാ ലിസിംസിന്റെ ഇവാ ക്ലേറ്റൺ ഈ പദ്ധതിയെ നിസ്ഗാ പൗരന്മാർക്ക് ദീർഘകാലമായി കാത്തിരുന്ന അവസരമായി പ്രശംസിച്ചു. റോക്കീസ് LNGയുടെ ഷാർലറ്റ് റാഗറ്റ് കാനഡയുടെ വ്യാപാരവും സമ്പദ്വ്യവസ്ഥയും വൈവിധ്യവത്കരിക്കുന്നതിൽ പദ്ധതിയുടെ പങ്കിനെ പ്രശംസിക്കുകയും ചെയ്തു.
