ടൊറന്റോ ഡിസ്ട്രിക്റ്റ് സ്കൂൾ ബോർഡ് (TDSB) 2025-26 അധ്യയന വർഷത്തിൽ 58 മില്യൺ ഡോളറിന്റെ കുറവ് നികത്താൻ,ബജറ്റ് കുറയ്ക്കാനുള്ള വഴികൾ പരിഗണിക്കുന്ന സാഹചര്യത്തിൽ മാതാപിതാക്കളും അധ്യാപകരും വിദ്യാഭ്യാസ പ്രവർത്തകരും ഗുരുതര ആശങ്ക പ്രകടിപ്പിച്ചിരിക്കുകയാണ്. ടൊറന്റോ സ്കൂളുകൾ ഇതിനകം പിന്നോക്കമായ അടിസ്ഥാന സൗകര്യങ്ങൾ, പ്രത്യേക വിദ്യാഭ്യാസ ഫണ്ടിന്റെ കുറവ് തുടങ്ങിയ പ്രശ്നങ്ങളോട് പൊരുതുകയാണെന്ന് പ്രവർത്തകർ ചൂണ്ടിക്കാട്ടുന്നു.
പൂൾ ആന്റ് സ്വിമ് പ്രോഗ്രാംസ്, മ്യൂസിക് ഇൻസ്ട്രക്ടർസ്, വിദ്യാർഥികളുടെ ലാപ്ടോപ് സൗകര്യങ്ങൾ എന്നിവ ഒഴിവാക്കുന്നതോടൊപ്പം ക്ലാസുകളുടെ വലുപ്പം വർധിപ്പിക്കാനുള്ള നിർദ്ദേശങ്ങളുണ്ട്. ദീർഘകാലമായി സ്കൂളുകൾക്ക് ധനസഹായം കുറയുകയും പണപ്പെരുപ്പത്തിന് അനുസരിച്ച് ഫണ്ടിംഗ് വർധിപ്പിക്കാതിരിക്കുകയും ചെയ്തതിന് പലരും ഒന്റാരിയോ സർക്കാരിനെ കുറ്റപ്പെടുത്തുന്നു. ചിലർ TDSB യുടെ ഭരണഘടനാ ചെലവുകൾ കുറയ്ക്കണമെന്നാണ് അഭിപ്രായപ്പെടുന്നത്.
“സ്കൂൾ ബോർഡുകൾ വിദ്യാർഥികളുടെ വിജയത്തിൽ ശ്രദ്ധ കേന്ദ്രീകരിക്കണമെന്നും സാമ്പത്തിക ഉത്തരവാദിത്തത്തോടെ ഫണ്ട് ഉപയോഗിച്ചും പ്രവർത്തിക്കണമെന്നും” ഒന്റാരിയോ സർക്കാർ നിലപാട് അറിയിച്ചിട്ടുണ്ട്.TDSB-യുടെ സാമ്പത്തിക ഇടപാടുകളിൽ സർക്കാർ അന്വേഷണം നടത്തുകയാണ്. ഇതിനിടെ, ഓരോ കുട്ടിക്കും കിട്ടുന്ന വിദ്യാഭ്യാസ ഫണ്ടിലെ വർധിച്ചുവരുന്ന കുറവ് പരിഹരിക്കാൻ വിദ്യാഭ്യാസ മന്ത്രി പോൾ കലാന്ദ്രയുമായി അടിയന്തര ചർച്ച നടത്തണമെന്നാണ് ബോർഡിന്റെ ആവശ്യം.
ജൂൺ അവസാനത്തോടെ ബജറ്റ് സംബന്ധിച്ച അന്തിമ തീരുമാനങ്ങൾ കൈക്കൊള്ളുമെന്നാണ് സൂചന. ഈ പ്രതിസന്ധി ഘട്ടത്തിൽ ടൊറന്റോയിലെ ലക്ഷക്കണക്കിന് വിദ്യാർഥികളുടെ ഭാവിയെ ബാധിക്കുന്ന ഈ ബജറ്റ് തീരുമാനങ്ങൾ വിദ്യാഭ്യാസ സമൂഹത്തിന്റെ ഇടയിൽ കടുത്ത ആശങ്ക ഉയർത്തുകയാണ്.
