ടൊറന്റോ: ടൊറന്റോയിലെ ഒരു വീട്ടിലുണ്ടായ തീപ്പിടിത്തത്തിൽ ഗുരുതരമായി പരിക്കേറ്റ 84 വയസ്സുകാരി ആശുപത്രിയിൽ ചികിത്സയിലിരിക്കെ മരിച്ചു. നവംബർ 16 ശനിയാഴ്ച രാത്രി 11 മണിയോടെയാണ് ഏവന്യൂ റോഡ്, ബോസ്വെൽ അവന്യൂ പരിസരത്തുള്ള ഇരുനില വീട്ടിൽ തീപ്പിടിത്തമുണ്ടായത്. അഗ്നിരക്ഷാ സേനാംഗങ്ങൾ തീ കെടുത്തി, പരിക്കേറ്റ സ്ത്രീയെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ലെന്ന് ടൊറന്റോ പോലീസ് അറിയിച്ചു.
രക്ഷാപ്രവർത്തകർ സ്ഥലത്തെത്തിയപ്പോൾ വീടിന്റെ രണ്ടാം നിലയിൽ നിന്ന് കനത്ത പുകയും തീയും ഉയർന്നിരുന്നു. കഠിന പരിശ്രമത്തിനൊടുവിൽ അഗ്നിശമന സേനാംഗങ്ങൾ തീ നിയന്ത്രണത്തിലാക്കി. വീടിന് വലിയ നാശനഷ്ടങ്ങൾ സംഭവിച്ചുവെങ്കിലും തീ സമീപ വീടുകളിലേക്ക് പടരാതെ തടയാൻ കഴിഞ്ഞതായി ടൊറന്റോ ഫയർ വിഭാഗം വ്യക്തമാക്കി.
തീപ്പിടിത്തത്തിന്റെ കൃത്യമായ കാരണം ഇതുവരെ കണ്ടെത്താനായിട്ടില്ല. തീ വാതകം മൂലമാണോ ഉണ്ടായത് എന്നറിയാൻ എൻബ്രിഡ്ജ് ഗ്യാസ് അധികൃതർ സ്ഥലത്തെത്തി പരിശോധന നടത്തി. തീപ്പിടിത്തത്തിന്റെ മൂലകാരണം കണ്ടെത്താൻ വേണ്ടി ഇന്നും (ഞായറാഴ്ച) അഗ്നിരക്ഷാ സേനയുടെ നിരീക്ഷണവും അന്വേഷണവും തുടരും. സംഭവത്തിൽ പോലീസ് കേസെടുത്ത് വിശദമായ അന്വേഷണം ആരംഭിച്ചിട്ടുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Toronto house fire: 84-year-old woman dies tragically
