ടൊറന്റോയുടെ വാസ്തുവിദ്യാ പാരമ്പര്യത്തിൽ നിർണായക സ്ഥാനമുള്ള കോളേജ് പാർക്ക് കെട്ടിടത്തിന് പുതിയ രൂപം നൽകാനൊരുങ്ങി GWL Realty Advisors (GWLRA). 2,000-ൽ അധികം പുതിയ താമസ യൂണിറ്റുകൾ, ഒരു ആധുനിക ഹോട്ടൽ, പൊതു ഇടങ്ങൾ എന്നിവ ഉൾപ്പെടുത്തി മൂന്ന് ടവറുകൾ നിർമ്മിക്കാനാണ് ഇവരുടെ പുതിയ പദ്ധതി. റീട്ടെയിൽ, വിനോദ സ്ഥലങ്ങൾ, പുതിയൊരു പൊതു ആട്രിയം, റൂഫ്ടോപ്പ് ഗാർഡൻ, വിശാലമായ പൊതുസ്ഥലങ്ങൾ എന്നിവയെല്ലാം ഈ വിപുലമായ പദ്ധതിയുടെ ഭാഗമാകും.
1930-ൽ നിർമ്മിച്ച കോളേജ് പാർക്ക്, യോങ്ക് (Yonge), കോളേജ് (College) സ്ട്രീറ്റുകളുടെ മൂലയിലുള്ള ടൊറന്റോയിലെ പ്രധാനപ്പെട്ട ഒരു വാസ്തുവിദ്യാ സ്മാരകമാണ്. ഈ കെട്ടിടത്തിന്റെ മുൻഭാഗം മാത്രം സംരക്ഷിക്കാതെ, പൂർണ്ണമായും നിലനിർത്താനാണ് പുതിയ പദ്ധതി ലക്ഷ്യമിടുന്നത്. കോളേജ് പാർക്കിന് അതിന്റെ യഥാർത്ഥ സാധ്യതകളിലേക്ക് ഇതുവരെ എത്താൻ കഴിഞ്ഞിട്ടില്ല. അടുത്ത നൂറ്റാണ്ടിലേക്ക് ഇതിനെ ഏറ്റവും മികച്ചതാക്കാനുള്ള അവസരമാണിത് എന്ന് ERA ആർക്കിടെക്റ്റ്സിലെ സ്കോട്ട് വെയർ അഭിപ്രായപ്പെട്ടു. 1930-ലെ കെട്ടിടത്തിന്റെ യഥാർത്ഥ രൂപകൽപ്പന പുനഃസൃഷ്ടിക്കാനുള്ള ശ്രമങ്ങളും ഈ പദ്ധതിയുടെ ഭാഗമാണ്.
പകുതിയോളം ലൈംസ്റ്റോൺ പൈതൃക കെട്ടിടം അതേപടി നിലനിർത്തിക്കൊണ്ടാണ് അതിനു മുകളിൽ പുതിയ മൂന്ന് ടവറുകൾ ഉയർത്തുക. കോളേജ് – യോങ്ക് സ്ട്രീറ്റുകളിലൂടെയുള്ള വഴികൾ, ആകർഷകമായ ഗ്ലാസ് ആട്രിയം, കെട്ടിടത്തിന് പിന്നിലുള്ള തുറന്ന പൊതുസ്ഥലം എന്നിവയെല്ലാം പുതിയ രൂപകൽപ്പനയുടെ ഭാഗമാണ്. പഴയതും പുതിയതുമായ ശൈലികളെ മനോഹരമായി സമന്വയിപ്പിക്കുന്ന സങ്കീർണ്ണമായൊരു വാസ്തുവിദ്യയാണ് ഇവിടെ നടപ്പിലാക്കുന്നത്.
GWLRA ഈ പദ്ധതിയുടെ ഔദ്യോഗിക അപേക്ഷ ടൊറന്റോ നഗരസഭയ്ക്ക് സമർപ്പിക്കുകയും, പദ്ധതിയുടെ ചരിത്രവും ഭാവിയും വിശദീകരിക്കുന്ന ഒരു വെബ്സൈറ്റ് ആരംഭിക്കുകയും ചെയ്തിട്ടുണ്ട്. പൊതുജനങ്ങളുടെ അഭിപ്രായങ്ങൾ അറിയുന്നതിനായി ലെക്ചറുകൾ, ടൗൺഹാൾ മീറ്റിംഗുകൾ, ഓപ്പൺ ഹൗസുകൾ തുടങ്ങിയ വിപുലമായ പൊതു കൂടിയാലോചനകളും പദ്ധതിയുടെ ഭാഗമായി സംഘടിപ്പിക്കും.
