ന്യൂയോർക്ക്/ടൊറന്റോ: അമേരിക്ക, കാനഡ, ഓസ്ട്രേലിയ തുടങ്ങിയ രാജ്യങ്ങളിലെ കൺവീനിയന്റ് സ്റ്റോറുകളിൽ മോഷണവും അക്രമ സംഭവങ്ങളും ഗണ്യമായി വർദ്ധിക്കുന്നത് പ്രവാസി മലയാളി വിദ്യാർത്ഥികളെ ആശങ്കയിലാക്കുന്നു. കേരളത്തിൽ നിന്നും ഉന്നത പഠനത്തിനായി കുടിയേറുന്ന ലക്ഷക്കണക്കിന് വിദ്യാർത്ഥികളിൽ ഭൂരിഭാഗവും തങ്ങളുടെ പഠനച്ചെലവ് കണ്ടെത്താൻ ആശ്രയിക്കുന്നത് ഇത്തരം ഗ്യാസ് സ്റ്റേഷൻ സ്റ്റോറുകളെയും മിനി സൂപ്പർ മാർക്കറ്റുകളെയുമാണ്. രാത്രികാല ഷിഫ്റ്റുകളിൽ ജോലി ചെയ്യുന്ന വിദ്യാർത്ഥികൾക്ക് നേരെയാണ് ഇത്തരം അക്രമങ്ങൾ അധികവും ഉണ്ടാകുന്നത്.
പല വിദേശ രാജ്യങ്ങളിലും നിശ്ചിത തുകയ്ക്ക് താഴെയുള്ള മോഷണങ്ങൾക്ക് കർശനമായ ശിക്ഷ ലഭിക്കാത്തതും, നിയമനടപടികളിലെ സങ്കീർണ്ണതയും മോഷ്ടാക്കൾക്ക് വളമാകുന്നുണ്ട്. ഇത്തരം സന്ദർഭങ്ങളിൽ സ്റ്റോറിലെ സാധനങ്ങളോ പണമോ സംരക്ഷിക്കാൻ വേണ്ടി മോഷ്ടാക്കളെ തടയാൻ ശ്രമിക്കുന്നത് വലിയ അപകടങ്ങളിലേക്ക് നയിക്കുന്നു. പലപ്പോഴും മാരകായുധങ്ങളുമായെത്തുന്ന അക്രമികളെ പ്രതിരോധിക്കാൻ ശ്രമിക്കുന്നത് ജീവൻ തന്നെ അപകടത്തിലാക്കാൻ കാരണമാകും. ഈ പശ്ചാത്തലത്തിലാണ് വിദേശത്തെ സുരക്ഷാ ഏജൻസികൾ കർശനമായ മുൻകരുതൽ നിർദ്ദേശങ്ങൾ പുറപ്പെടുവിക്കുന്നത്.
മോഷണശ്രമം ഉണ്ടായാൽ പ്രകോപിതരാകാതെ അക്രമികൾക്ക് വഴിമാറിക്കൊടുക്കുകയും ഉടൻ തന്നെ അടിയന്തര സഹായ നമ്പറായ ‘911’ ലേക്ക് വിളിച്ച് പോലീസിന്റെ സഹായം തേടുകയുമാണ് വേണ്ടത്. നിയമം കയ്യിലെടുക്കുന്നത് നിങ്ങളുടെ വിസ നടപടികളെയും തൊഴിലിനെയും ബാധിക്കാനിടയുണ്ട്. സ്റ്റോറുകൾക്ക് ഇൻഷുറൻസ് പരിരക്ഷ ഉള്ളതിനാൽ സാമ്പത്തിക നഷ്ടത്തെക്കുറിച്ച് ആകുലപ്പെടാതെ സ്വന്തം സുരക്ഷയ്ക്ക് മാത്രം മുൻഗണന നൽകണം. പോലീസിന്റെയും നിയമപാലകരുടെയും സാന്നിധ്യത്തിൽ മാത്രം പ്രശ്നങ്ങളിൽ ഇടപെടുക എന്നതാണ് പ്രവാസികൾ പാലിക്കേണ്ട പ്രധാന സുരക്ഷാ പാഠം.
Theft is becoming more common at convenience stores in the United States and Canada.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
