ആരാണ് മിഡിൽ ക്ലാസ്??
കാനഡയിൽ “Middle Class” എന്ന പദം എക്കാലവും രാഷ്ട്രീയ മുദ്രാവാക്യമായിരുന്നു, തിരഞ്ഞെടുപ്പ് പ്രചാരണങ്ങൾ പലപ്പോഴും ഈ പ്രധാന ജനവിഭാഗത്തെ ലക്ഷ്യമിടുന്നു. എന്നിരുന്നാലും, അതിന്റെ അർത്ഥം കാലക്രമേണ മാറിയിട്ടുണ്ട്, പ്രത്യേകിച്ച് യുവതലമുറക്ക് വീടുടമസ്ഥതയും സാമ്പത്തിക സുരക്ഷയും തേടുന്നത് കടുത്ത വെല്ലുവിളിയാകുകയാണ്.
Organization for Economic Co-operation and Development-ന്റെ (OECD) റിപ്പോർട്ട് പ്രകാരം, മിഡിൽ ക്ലാസ് വരുമാനം വാർഷികമായി $52,875 മുതൽ $141,000 വരെയാണ് എന്നാല്, പല കനേഡിയകാരും ഇത് അവരുടെ യാഥാർത്ഥ്യത്തോട് പൊരുത്തപ്പെടുന്നില്ലെന്ന് പറയുന്നു.
മൂന്നാം വർഷ നഴ്സിംഗ് വിദ്യാർത്ഥിനിയും അഞ്ച് കുട്ടികളുടെ അമ്മയുമായ ഒപെയേമി കെഹിന്തയുടെ പോലുള്ള കുടുംബങ്ങൾക്ക്, സ്ഥിരമായ ഉപജീവനം നിലനിർത്താനുള്ള പോരാട്ടം പ്രായാസകരമാണ് . ഭർത്താവ് ഒരു Geologist ആയി ജോലി ചെയ്യുന്നുണ്ടെങ്കിലും, അവരുടെ കുടുംബ വരുമാനം $40,000-ൽ താഴെയാണ്, ഇത് വാടകയും ഉയരുന്ന ജീവിത ചെലവുകളും നേരിടാൻ ബുദ്ധിമുട്ടാക്കുന്നു. അതോടൊപ്പം കുട്ടികളുടെ ചെലവ് കൂടുന്നതിനാൽ, ജോലി സമയം വർദ്ധിപ്പിക്കേണ്ടിവരുന്നതായും അവർ പറയുന്നു. സാമ്പത്തികമായി മുന്നേറുന്നത് പലപ്പോഴും അത്യാവശ്യ സാമൂഹിക പിന്തുണ നഷ്ടപ്പെടാൻ കാരണമാകുന്നു. ഇന്നത്തെ പല കനേഡിയക്കാരും മിഡിൽ ക്ലാസ് പദവി വരുമാനത്തിന്റെ അളവ് അനുസരിച്ചല്ല, സാമ്പത്തിക ആശങ്ക കൂടാതെ അടിസ്ഥാന ചെലവുകൾ നിറവേറ്റാനുള്ള കഴിവ് അനുസരിച്ചാണ് അളക്കുന്നതെന്ന് ഈ സാഹചര്യം എടുത്തുകാട്ടുന്നു.
2023 Great Canadian Class Study പ്രകാരം, 42% കനേഡിയകാർ ഇപ്പോഴും സ്വയം Middle Class ആണെന്നാണ് പറയുന്നത്. എന്നിരുന്നാലും ഈ സ്വയം-ധാരണ സാമ്പത്തിക യാഥാർത്ഥ്യത്തിൽ നിന്ന് കൂടുതൽ അകലുന്നുവെന്ന് വിദഗ്ധർ നിർദ്ദേശിക്കുന്നു.
ജനറേഷൻ സ്ക്വീസ് സ്ഥാപകനായ പോൾ കെർഷോ പറയുന്നത്, ഉയർന്ന ശമ്പളമുള്ള യുവ ജോലിക്കാർക്ക് പോലും വീടുകൾ വാങ്ങാൻ ബുദ്ധിമുട്ടാണെന്നാണ്, വിലക്കയറ്റം എല്ലാവരെയും ബാധിക്കുന്നുവെന്ന് പറയുന്നത് ശരിയല്ലെന്ന് അദ്ദേഹം വാദിക്കുന്നു, കാരണം വീടുകളുടെ വില കൂടുന്നത് പ്രായമായ വീട്ടുടമകൾക്ക് ഗുണം ചെയ്യുമ്പോൾ യുവാക്കൾക്ക് ഭാരമാകുന്നു.ഇപ്പോൾ സമ്പന്നർക്കു മാത്രമേ ഗുണകരമായ സമ്പദ്വ്യവസ്ഥയുള്ളെന്നും, യുവ കാനഡക്കാർ ചെയ്യുന്ന സാമ്പത്തിക ത്യാഗങ്ങൾക്ക് നഷ്ടപരിഹാരം നൽകുന്ന നികുതി നയങ്ങൾ വേണമെന്ന് കെർഷോ ആവശ്യപ്പെടുന്നു.
