മിസ്സിസാഗ: ദി കോളേജ് ഓഫ് ചിരോപോഡിസ്റ്റ്സ് ഓഫ് ഒന്റാറിയോ ഗവേണിംഗ് കൗൺസിലിലേക്ക് നിയമിതനായ ടോമി കൊക്കാടിനെ ടീം കനേഡിയൻ ലയൺസ് (TCL) ആദരിച്ചു. മിസ്സിസാഗയിലെ ആനപ്പിൾസ് ഹാളിൽ നടന്ന ഫ്രോസ്റ്റി ഫെസ്റ്റ് സീസൺ 5-നോടനുബന്ധിച്ചുള്ള പൊതുസമ്മേളനത്തിൽ TCL പ്രസിഡന്റ് നിക്സൺ മാനുവൽ, ടോമി കൊക്കാടിനെ പൊന്നാട അണിയിച്ചു.
ടോമി കൊക്കാടിന് ലഭിച്ച ഈ അംഗീകാരം കാനഡയിൽ മലയാളി കമ്മ്യൂണിറ്റിയെ സംബന്ധിച്ചിടത്തോളം ഏറെ അഭിമാനകരമാണെന്ന് അദ്ദേഹം പറഞ്ഞു. കാനഡയിലെ മലയാളി കമ്മ്യൂണിറ്റിയുടെ സാമൂഹിക സാംസ്കാരിക ഉന്നമനത്തിന് ഈ നേട്ടം വളരെ പ്രാധാന്യം അർഹിക്കുന്നതാണെന്നും സമീപ ഭാവിയിൽ തന്നെ കനേഡിയൻ പാർലമെന്റിൽ ഒരു മലയാളി എം പി സ്ഥാനം പിടിക്കുമെന്നും നിക്സൺ മാനുവൽ പറഞ്ഞു.
ടി സി എൽ ഫ്രോസ്റ്റി ഫെസ്റ്റ് സീസൺ ഫൈവിൽ വിശിഷ്ടാതിഥിയായി ടോമി കൊക്കാട് പങ്കെടുത്തു. വൈകിട്ട് 5 മണിക്ക് ആരംഭിച്ച ആഘോഷപരിപാടികൾ രാത്രി 11 മണി വരെ നീണ്ടുനിന്നു. സർക്കസ്, മ്യൂസിക് ബാൻഡ്, ഗാനമേള, വിവിധ നൃത്ത രൂപങ്ങൾ എന്നിവ ഫ്രോസ്റ്റി ഫെസ്റ്റിന്റെ അഞ്ചാം സീസണ് മാറ്റുകൂട്ടി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Team Canadian Lions pays tribute to Tommy Kokkad
