ലൈംഗികാതിക്രമ കേസിൽ ശിക്ഷിക്കപ്പെട്ട ബ്രിട്ടീഷ് കൊളംബിയയിലെ ഒരു ഹൈസ്കൂൾ അധ്യാപകന് വിലക്ക്. അധ്യാപകന്റെ ലൈസൻസ് റദ്ദാക്കുകയും 10 വർഷത്തേക്ക് അധ്യാപകവൃത്തിയിലേക്ക് തിരിച്ചുവരാൻ അപേക്ഷിക്കുന്നതിൽ നിന്ന് വിലക്കുകയും ചെയ്തതായി പ്രൊഫഷണൽ റെഗുലേറ്റർ അറിയിച്ചു. ഷെ ബെർണാഡ് ക്രോഫോർഡ് എന്ന അധ്യാപകനെതിരെയാണ് നടപടി. ഇയാൾ ഇതുമായി ബന്ധപ്പെട്ട കഴിഞ്ഞ മാസം ബി.സി. കമ്മീഷണർ ഫോർ ടീച്ചർ റെഗുലേഷനുമായി ഒരു സമ്മതപത്രത്തിൽ ഒപ്പുവച്ചു. ഈ രേഖ ചൊവ്വാഴ്ചയാണ് ഓൺലൈനിൽ പ്രസിദ്ധീകരിച്ചത്.
2021-ൽ ക്രോഫോർഡിനെതിരെ ലൈംഗികാതിക്രമത്തിന് കേസെടുക്കുകയും, ഒരു മാസം കഴിഞ്ഞ് അദ്ദേഹത്തെ സർവീസിൽ നിന്ന് അനിശ്ചിതകാലത്തേക്ക് സസ്പെൻഡ് ചെയ്യുകയും ചെയ്തിരുന്നു. തനിക്കെതിരെ ക്രിമിനൽ കേസ് ചുമത്തിയതായി അധ്യാപകരുടെ റെഗുലേഷൻ ബ്രാഞ്ചിനെ അദ്ദേഹം അറിയിച്ചതിനെ തുടർന്നായിരുന്നു നടപടി.
ലൈസൻസ് റദ്ദാക്കാനും 10 വർഷത്തെ വിലക്ക് ഏർപ്പെടുത്താനും നിരവധി കാരണങ്ങൾ കമ്മീഷണർ ചൂണ്ടിക്കാട്ടി. “ലൈംഗികാതിക്രമം വളരെ ഗുരുതരമായ ഒരു വിഷയമാണ്, അത് മറ്റൊരു വ്യക്തിയുടെ ശാരീരികമായ സംരക്ഷണം ഇല്ലാതാക്കുന്നു, ക്രോഫോർഡ് നിലവിൽ നല്ല ധാർമ്മിക സ്വഭാവമുള്ള ഒരാളല്ല, കൂടാതെ വിശ്വാസത്തിന്റെയും അധികാരത്തിന്റെയും സ്ഥാനത്ത് ഒരു അധ്യാപകനായി പ്രവർത്തിക്കാൻ യോഗ്യനുമല്ല,” ഇങ്ങനെയാണ് രേഖയിൽ അധ്യാപകനെതിരെ കാര്യങ്ങൾ വിശദീകരിക്കുന്നത്.
2023-ൽ, ക്രോഫോർഡിന് രണ്ട് വർഷവും ഒരു ദിവസവും കുറഞ്ഞ തടവ് ശിക്ഷയും ഒരു വർഷത്തെ പ്രൊബേഷനും ലഭിച്ചിരുന്നു. വിധി പ്രസ്താവിക്കുന്ന വേളയിൽ, വിചാരണ ജഡ്ജി ക്രോഫോർഡ് ചെയ്തത് വലിയ തെറ്റാണെന്നും, എന്നാൽ പ്രതിക്ക് പശ്ചാത്താപമില്ലെന്നും, ഇരയായ വ്യക്തിയെയാണ് അദ്ദേഹം കുറ്റപ്പെടുത്തിയതെന്നും ചൂണ്ടിക്കാട്ടിയിരുന്നു. 2025-ൽ ക്രോഫോർഡ് സമർപ്പിച്ച അപ്പീൽ കോടതി തള്ളിയിരുന്നു.
Sexual assault conviction gets B.C. teacher 10-year ban from profession
