സെന്റ് ലോറൻസ് കർഷക വിപണി വീണ്ടും തുറക്കുന്നു
ടൊറന്റോ:നീണ്ട ഇടവേളയ്ക്കുശേഷം ടൊറന്റോയിലെ പ്രശസ്തമായ സെന്റ് ലോറൻസ് കർഷക വിപണി അതിന്റെ പുതുതായി നിർമ്മിച്ച നോർത്ത് മാർക്കറ്റ് കെട്ടിടത്തിലേക്ക് തിരിച്ചെത്തി. ഫ്രണ്ട്, ജാർവിസ് തെരുവുകളിലെ അഞ്ച് നിലകളുള്ള ഗ്ലാസ്-മെറ്റൽ നിർമ്മിതമായ ഈ കെട്ടിടം 2016-ൽ നിർമ്മാണം ആരംഭിച്ചതിനുശേഷം ആദ്യമായി ശനിയാഴ്ച കച്ചവടക്കാരെയും ഉപഭോക്താക്കളെയും സ്വാഗതം ചെയ്തു.
പല തവണ വൈകുകയും ചിലവുകൾ വർദ്ധിക്കുകയും ചെയ്ത ഈ പദ്ധതിയുടെ അന്തിമ വില 128 മില്യൺ ഡോളറായി ഉയർന്നു. ദീർഘകാലമായി കാത്തിരിക്കേണ്ടി വന്നതിലുള്ള നിരാശകൾ ഉണ്ടെങ്കിലും, പ്രാദേശിക നിവാസികളും കച്ചവടക്കാരും പറയുന്നത് പുതിയ സ്ഥലം അതിന് യോഗ്യമാണെന്നാണ്. ആട്രിയം-സ്റ്റൈൽ ഡിസൈൻ ഐതിഹാസികമായ സെന്റ് ലോറൻസ് ഹാളിന്റെയും സൗത്ത് മാർക്കറ്റ് കെട്ടിടത്തിന്റെയും വിശാലമായ കാഴ്ചകൾ നൽകുന്നു
ഉദ്ഘാടനത്തിന് സാക്ഷ്യം വഹിച്ച ടൊറന്റോ മേയർ ഒലീവിയ ചൗ, ഈ സ്ഥലത്തെ പ്രശംസിക്കുകയും നിലവിലുള്ള സാമ്പത്തിക അനിശ്ചിതത്വങ്ങൾക്കിടയിൽ സമൂഹ പിന്തുണയുടെ ഒരു പ്രവൃത്തിയെന്ന് വിശേഷിപ്പിച്ച് നിവാസികളെ പ്രാദേശികമായി കച്ചവടം ചെയ്യാൻ പ്രോത്സാഹിപ്പികുന്നു.
ഔദ്യോഗിക ഗ്രാൻഡ് ഓപ്പണിംഗ് മെയ് 10-ന് നിശ്ചയിച്ചിട്ടുണ്ടെങ്കിലും, ദീർഘകാലമായി വിപണനം നടത്തുന്നവർക്കും മാർക്കറ്റ് സന്ദർശകർക്കും ശനിയാഴ്ചത്തെ തിരിച്ചുവരവ് ഒരു ഭവനത്തിലേക്കുള്ള മടക്കം പോലെ തോന്നി എന്ന് റിപ്പോർട്ട് ചെയ്തു.
