ചിക്കമഗളൂരു: ബാബാ ബുധൻ ഗിരിയിലെ മാണിക്യധാര വെള്ളച്ചാട്ടത്തിന് സമീപത്തുനിന്നും കാണാതായ പാലക്കാട് കടമ്പഴിപ്പുറം സ്വദേശിനി ശ്രീനന്ദയുടെ (15) മൃതദേഹം കണ്ടെത്തി. നാലാം ദിവസം നടത്തിയ തീവ്രമായ തെരച്ചിലിനൊടുവിൽ 1500 അടി താഴ്ചയുള്ള കൊക്കയിൽ നിന്നാണ് മൃതദേഹം ലഭിച്ചത്. ചൊവ്വാഴ്ച വൈകിട്ട് അഞ്ചരയോടെ മാതാപിതാക്കൾ ഉൾപ്പെടെയുള്ള 40 അംഗ സംഘത്തിനൊപ്പം വിനോദസഞ്ചാരത്തിനെത്തിയപ്പോഴാണ് ശ്രീനന്ദയെ കാണാതാകുന്നത്. കുട്ടിയെ കണ്ടെത്താനായി രൂപീകരിച്ച പ്രത്യേക ടാസ്ക് ഫോഴ്സും തെർമൽ ഡ്രോണുകളും ഉപയോഗിച്ച് നടത്തിയ പരിശോധനയിലാണ് ഒടുവിൽ മൃതദേഹം കണ്ടെത്തിയത്.

മകളെ ആരോ ലഹരി നൽകി തട്ടിക്കൊണ്ടുപോയതാകാമെന്ന് മാതാപിതാക്കൾ നേരത്തെ ആശങ്ക പ്രകടിപ്പിച്ചിരുന്നെങ്കിലും, മൃതദേഹം കൊക്കയിൽ കണ്ടെത്തിയത് അപകടസാധ്യതയിലേക്കാണ് വിരൽ ചൂണ്ടുന്നത്. പോലീസ്, വനം വകുപ്പ്, അഗ്നിരക്ഷാ സേന എന്നിവരുടെ നേതൃത്വത്തിൽ നൂറംഗ സംഘമാണ് പ്രദേശത്ത് തിരച്ചിൽ നടത്തിവന്നത്. ചെങ്കുത്തായ ഇറക്കങ്ങളും മൂടൽമഞ്ഞും തെരച്ചിലിന് വലിയ വെല്ലുവിളി ഉയർത്തിയിരുന്നു. ശ്രീനന്ദയുടെ വിയോഗവാർത്ത കടമ്പഴിപ്പുറം ഗ്രാമത്തെയും ബന്ധുക്കളെയും വലിയ ദുഃഖത്തിലാഴ്ത്തി. മൃതദേഹം ഇൻക്വസ്റ്റ് നടപടികൾക്ക് ശേഷം നാട്ടിലെത്തിക്കാനുള്ള ക്രമീകരണങ്ങൾ അധികൃതർ ആരംഭിച്ചു. 

Sreenanda in tears; Body of missing Malayali girl found 1500 feet below ground

കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt