ഒന്റാറിയോ: വിദേശ രാജ്യങ്ങളിൽ നിന്ന് പഠനം പൂർത്തിയാക്കിയ ഡോക്ടർമാർക്ക് ഒന്റാറിയോ പ്രവിശ്യയിൽ സ്ഥിരതാമസം (PR) ലഭിക്കുന്നതിനുള്ള നടപടിക്രമങ്ങൾ ലഘൂകരിച്ചു. 2026 ജനുവരി 1 മുതൽ പ്രാബല്യത്തിൽ വന്ന പുതിയ പരിഷ്കാരങ്ങൾ പ്രകാരം, ജോബ് ഓഫർ ഇല്ലാതെ തന്നെ ഒന്റാറിയോ ഇമിഗ്രന്റ് നോമിനി പ്രോഗ്രാമിലൂടെ (OINP) അപേക്ഷിക്കാൻ വിദേശ ഡോക്ടർമാർക്ക് സാധിക്കും.
സെൽഫ് എംപ്ലോയ്ഡ് ആയി ജോലി ചെയ്യാൻ ആഗ്രഹിക്കുന്ന ഡോക്ടർമാർക്ക് ‘എംപ്ലോയർ ജോബ് ഓഫർ’ സ്ട്രീമിന് കീഴിൽ അപേക്ഷിക്കാൻ ഇനി തൊഴിലുടമയുടെ ഔദ്യോഗിക ഓഫർ ലെറ്റർ നിർബന്ധമില്ല. ഇതിനായി ഒന്റാറിയോ ഹെൽത്ത് ഇൻഷുറൻസ് പ്ലാൻ (OHIP) ബില്ലിംഗ് നമ്പറും ഒന്റാറിയോയിലെ ഡോക്ടർമാരുടെ റെഗുലേറ്ററി ബോഡിയിൽ (CPSO) അംഗത്വവും ഉണ്ടായിരിക്കണം. കൂടാതെ, പുതുതായി നടപ്പിലാക്കിയ ‘പ്രൊവിഷണൽ സർട്ടിഫിക്കറ്റ്’ ഉള്ളവർക്കും ഇനി മുതൽ സ്ഥിരതാമസത്തിന് അപേക്ഷിക്കാമെന്നത് വലിയ ആശ്വാസമാണ്.
സ്പെഷ്യലിസ്റ്റ് ഡോക്ടർമാർ (NOC 31100, 31101), ജനറൽ പ്രാക്ടീഷണർമാർ, ഫാമിലി ഫിസിഷ്യൻമാർ (NOC 31102) എന്നിവർക്കാണ് ഈ ഇളവുകൾ ബാധകമാകുക. ആരോഗ്യമേഖലയിലെ കടുത്ത ക്ഷാമം പരിഹരിക്കുന്നതിനും കൂടുതൽ വിദേശ വിദഗ്ധരെ ആകർഷിക്കുന്നതിനുമാണ് ഒന്റാറിയോ സർക്കാർ ഈ സുപ്രധാന നീക്കം നടത്തിയത്. യോഗ്യരായ ഡോക്ടർമാർക്ക് ഒന്റാറിയോയുടെ വെബ്ഫോം വഴി തങ്ങളുടെ താൽപ്പര്യം (EOI) അറിയിച്ച് നടപടികൾ ആരംഭിക്കാവുന്നതാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Self-employed physicians have smoother path to permanent residence under new Ontario rules
