ചരിത്രത്തിൽ ആദ്യമായി “കോസ്മിക് ജൗസ്റ്റ്” എന്ന് വിശേഷിപ്പിക്കാവുന്ന ഗാലക്സി സംഘർഷം നിരീക്ഷിച്ച് ആസ്ട്രോണോമേഴ്സ്. രണ്ട് ഗാലക്സികൾ ഒരുമിച്ച് ലയിക്കുന്നതിനിടയിൽ, അതിലൊന്നിൽ സ്ഥിതിചെയ്യുന്ന ശക്തിയേറിയ ക്വാസർ ഗാലക്സിയിലേക്ക് രശ്മികൾ വിട്ട് അതിലെ ഗ്യാസ് ക്ലൗഡുകൾ ചിതറിക്കുകയും നക്ഷത്ര രൂപീകരണം താളംതെറ്റിക്കുകയും ചെയ്യുന്ന പ്രക്രിയയാണ് കോസ്മിക് ജൗസ്റ്റ്.
സൂപ്പർമാസിവ് ബ്ലാക്ക് ഹോളിന്റെ ശക്തിയാൽ പ്രവർത്തിക്കുന്ന ഈ ക്വാസർ നമ്മുടെ ക്ഷീരപഥത്തിന്റെ ആയിരം മടങ്ങ് ശക്തിയുള്ള അൾട്രാവയലറ്റ് വികിരണം പുറപ്പെടുവിക്കുന്നു. ഈ ശക്തമായ വികിരണ കിരണങ്ങൾ എതിർ ഗാലക്സിയിലെ മോളിക്കുലാർ ഹൈഡ്രജനെ വിഘടിപ്പിക്കുകയും നക്ഷത്രനിർമാണത്തിന് ആവശ്യമായ വാതക മേഘങ്ങളെ ചിതറിക്കുകയും ചെയ്യുന്നു. ആവശ്യമായ സാന്ദ്രതയും ഭാരവും കുറഞ്ഞ ഈ മേഘങ്ങൾക്ക് പുതിയ നക്ഷത്രങ്ങൾക്ക് ജന്മം നൽകാൻ കഴിയുന്നില്ല, ഇത് കോസ്മിക് സംഘട്ടനത്തിൽ ആ ഗാലക്സിയെ ദുർബലപ്പെടുത്തുന്നു.
ഗാലക്സികളുടെ ലയനവും ക്വാസറിന്റെ തീവ്ര വികിരണ പ്രവർത്തനവും പ്രപഞ്ചത്തിന്റെ ആദ്യഘട്ടങ്ങളിൽ നിത്യസംഭവങ്ങൾ ആയിരുന്നു എന്നാണ് ശാസ്ത്രജ്ഞരുടെ വിശ്വാസം. വലിയ ദൂരങ്ങൾ കാരണം ഈ രണ്ട് ഗാലക്സികളും തമ്മിലുള്ള ലയനം പൂർത്തിയായിട്ടുണ്ടോ എന്ന കാര്യത്തിൽ വ്യക്തതയില്ലെങ്കിലും, ഈ കണ്ടെത്തൽ, ഗാലക്സികളുടെ പരസ്പര ബന്ധം, അവയുടെ പരിണാമം, കൂടാതെ ക്വാസറുകൾക്കുള്ള ബഹിരാകാശ ഘടനകളിൽ ചെറുത്തുനിൽപ്പില്ലാത്ത സ്വാധീനം പോലുള്ള ഘടകങ്ങൾ തുറന്നുകാട്ടുന്നു.
