സ്കാർബ്റോ-റൂഷ് പാർക്ക് ഓണറ്റാറിയോ നിയമസഭാ മണ്ഡലത്തിലെ ഉപതിരഞ്ഞെടുപ്പിന് തുടക്കം കുറിച്ചു. ടൊറന്റോ വാർഡ് 25 സ്കാർബ്റോ-റൂജ് പാർക്ക് മുനിസിപ്പൽ ഉപതിരഞ്ഞെടുപ്പ് തീയതി ഉടൻ പ്രഖ്യാപിക്കുമെന്ന് ടൊറൻ്റോ സിറ്റി കൗൺസിൽ അറിയിച്ചു.
തിരഞ്ഞെടുപ്പ് കമ്മീഷന്റെ അറിയിപ്പു പ്രകാരം നാമനിർദേശപത്രിക സമർപ്പിക്കേണ്ട അവസാന തീയതി ജൂൺ 23 നാണ് നിശ്ചയിച്ചിരിക്കുന്നത്. നിലവിൽ മണ്ഡലത്തിലെ വോട്ടർമാരെ ആകർഷിക്കാൻ രാഷ്ട്രീയ പാർട്ടികൾ തങ്ങളുടെ സാന്നിധ്യം ശക്തിപ്പെടുത്തുകയാണ്.
ഡെപ്യൂട്ടി മേയറും കൗൺസിലറുമായ ജെന്നിഫർ മക്കെൽവി ഫെഡറൽ തിരഞ്ഞെടുപ്പിൽ എയ്യാക്സ് റൈഡിങ്ങിൽ നിന്നും പാർലമെന്റ്റിലേക്ക് തിരഞ്ഞെടുക്കപ്പെട്ടതോടെ കൗൺസിലർ സ്ഥാനം രാജിവെച്ചതോടെയാണ് ഉപതിരഞ്ഞെടുപ്പിന് കളമൊരുങ്ങിയത്.
ജെന്നിഫർ മക്കെൽവിയുടെ രാജി മെയ് 9 ന് പ്രാബല്യത്തിൽ വന്നതായി സിറ്റി കൗൺസിൽ അറിയിച്ചു. ഉപതിരഞ്ഞെടുപ്പ് നാമനിർദ്ദേശപത്രിക സമർപ്പണം ജൂൺ 23 ആരംഭിക്കുമെന്നാണ് റിപ്പോർട്ട്. സിറ്റി ക്ലർക്ക് വോട്ടെടുപ്പ് തീയതി പിന്നീട് പ്രഖ്യാപിക്കും.
മുൻ മേയർ ജോൺ ടോറി രാജിവച്ചതിനെത്തുടർന്ന് ജെന്നിഫർ ആക്ടിംഗ് മേയർ സ്ഥാനവും വഹിച്ചിരുന്നു ഒലിവിയ ചൗ ഒടുവിൽ ടൊറന്റോ മേയറായി സത്യപ്രതിജ്ഞ ചെയ്യുന്നതുവരെ ജെന്നിഫർ ഏകദേശം അഞ്ച് മാസത്തോളം ആക്ടിംഗ് മേയറായി സേവനമനുഷ്ഠിച്ചു.
