സ്റ്റാറ്റിസ്റ്റിക്സ് കാനഡയുടെ പുതിയ റിപ്പോർട്ട് പ്രകാരം, കനഡയിലെ ഗ്രാമീണ പ്രദേശങ്ങളിൽ പ്രത്യേകിച്ച് പ്രെയറി പ്രവിശ്യകളിൽ നഗര കേന്ദ്രങ്ങളെ അപേക്ഷിച്ച് കൂടുതൽ ഗുരുതരവുമായ കുറ്റകൃത്യങ്ങൾ നടക്കുന്നതായി റിപ്പോർട്ട്. 2023-ൽ, ഗ്രാമീണ സമൂഹങ്ങളിൽ കുറ്റകൃത്യ നിരക്ക് 34% ഉയർന്നതായി കാണപ്പെടുന്നു. ഗ്രാമങ്ങളിൽ കൊലപാതകങ്ങളും ആക്രമണങ്ങളും പോലുള്ള അക്രമാസക്തമായ കുറ്റകൃത്യങ്ങൾ 1.7 മടങ്ങ് കൂടുതൽ സംഭവിക്കുന്നു. സാസ്കാച്ചുവാനിൽ ഏറ്റവും ഉയർന്ന ഗ്രാമീണ ക്രൈം സെവെരിറ്റി ഇൻഡെക്സ് (സിഎസ്ഐ) 204 ആണ്. മാനിറ്റോബ (184), ആൽബർട്ട (145) എന്നിവയുമാണ്. വടക്കൻ ഗ്രാമീണ പ്രദേശങ്ങൾ തെക്കൻ പ്രദേശങ്ങളെക്കാൾ മൂന്ന് മടങ്ങ് ഉയർന്ന കുറ്റകൃത്യ നിരക്ക് റിപ്പോർട്ട് ചെയ്യുന്നുണ്ട്. ഇത് പലപ്പോഴും ഗ്യാംഗ് പ്രവർത്തനങ്ങളും മയക്കുമരുന്ന് ഉപയോഗവും മൂലമാണ് സംഭവിക്കുന്നത്.
മോഷണം, കവർച്ച എന്നിവ പോലുള്ള കുറ്റ കൃത്യങ്ങളും ഗ്രാമീണ പ്രദേശങ്ങളിൽ കൂടുതൽ സാധാരണമാണ്. ഉദാഹരണത്തിന് സാസ്കാച്ചുവാനിലെ ഡെലൈലിലെ ഒരു അഗ്നിശമന വകുപ്പ് കവർച്ചയിൽ ജീവൻ രക്ഷാ ഉപകരണങ്ങൾ നഷ്ടപ്പെട്ടു. പ്രദേശത്തെ നേതാക്കൾ വർദ്ധിച്ചു വരുന്ന കുറ്റകൃത്യങ്ങളെക്കുറിച്ച് ആശങ്ക പ്രകടിപ്പിക്കുകയും കൂടുതൽ പോലീസ് പെട്രോളിംഗ് ആവശ്യപ്പെടുകയും ചെയ്യുന്നു. സാസ്കാച്ചുവാൻ സർക്കാർ ആർസിഎംപിയെ പിന്തുണയ്ക്കുന്നതിന് ഒരു പുതിയ മാർഷൽസ് സർവീസ് അവതരിപ്പിച്ചിട്ടുണ്ടെങ്കിലും, ഗ്രാമീണ വക്താക്കൾ കൂടുതൽ ഫണ്ടിംഗും നിയമ മാറ്റങ്ങളും അടിയന്തിരമായി ആവശ്യമാണെന്ന് വാദിക്കുന്നു.
ഈ റിപ്പോർട്ട് കനഡയിലെ ഗ്രാമപ്രദേശങ്ങളും നഗരപ്രദേശങ്ങളും തമ്മിലുള്ള പ്രധാന വ്യത്യാസം കാണിക്കുന്നു. സുരക്ഷാ ഉദ്യോഗസ്ഥരുടെ അഭാവവും ദൂരെയുള്ള പ്രദേശങ്ങളുടെ പ്രത്യേകതകളും, അവിടെയുള്ള സാമൂഹികവും സാമ്പത്തികവുമായ പ്രശ്നങ്ങളും ഗ്രാമങ്ങളിലെ ആളുകളുടെ സുരക്ഷയ്ക്ക് ഭീഷണിയാണ്. വിവിധ തലങ്ങളിലുള്ള സർക്കാരുകൾ ഈ പ്രശ്നം പരിഹരിക്കുന്നതിന് അടിയന്തിര നടപടികൾ സ്വീകരിക്കേണ്ടതുണ്ട്.
കൂടുതൽ പോലീസ് സാന്നിധ്യം ഉറപ്പാക്കുന്നതിനോടൊപ്പം തന്നെ കുറ്റകൃത്യങ്ങളുടെ അടിസ്ഥാന കാരണങ്ങളായ ദാരിദ്ര്യം, തൊഴിലില്ലായ്മ, മയക്കുമരുന്ന് ഉപയോഗം എന്നിവ പരിഹരിക്കുന്നതിനുള്ള സമഗ്രമായ സമീപനവും ആവശ്യമാണ്. ഗ്രാമീണ പ്രദേശങ്ങളിലെ സുരക്ഷ മെച്ചപ്പെടുത്താനുള്ള ശ്രമങ്ങൾ മുൻഗണന നൽകേണ്ടത് അനിവാര്യമാണ്, അല്ലാത്തപക്ഷം ഈ സമൂഹങ്ങൾ അഭിമുഖീകരിക്കുന്ന വെല്ലുവിളികൾ വർദ്ധിക്കുകയെ ചെയ്യൂ
