രാജ്യത്തെ പലിശ നിരക്കുകളിൽ മാറ്റം വരുത്തേണ്ടതില്ലെന്ന് റിസർവ് ബാങ്ക് ഓഫ് ഇന്ത്യ തീരുമാനിച്ചു. ഫെബ്രുവരി 4 മുതൽ 6 വരെ നടന്ന ആർബിഐയുടെ ധനനയ അവലോകന യോഗത്തിന് ശേഷമാണ് പോളിസി റിപ്പോ നിരക്ക് 5.25 ശതമാനത്തിൽ തന്നെ നിലനിർത്താനുള്ള തീരുമാനം പ്രഖ്യാപിച്ചത്. ഗവർണർ സഞ്ജയ് മൽഹോത്രയുടെ നേതൃത്വത്തിലുള്ള ധനനയ സമിതി (MPC) പണപ്പെരുപ്പവും സാമ്പത്തിക സാഹചര്യങ്ങളും പരിഗണിച്ച് ‘നിഷ്പക്ഷ നിലപാട്’ തുടരാൻ തീരുമാനിക്കുകയായിരുന്നു.
വായ്പാ നിരക്കുകളിൽ മാറ്റമില്ലാത്തതിനാൽ ഭവന, വാഹന വായ്പകളുടെ ഇഎംഐയിൽ നിലവിൽ വർധനവുണ്ടാകില്ല എന്നത് സാധാരണക്കാർക്ക് ആശ്വാസകരമാണ്. റിപ്പോ നിരക്ക് 5.25 ശതമാനത്തിൽ മാറ്റമില്ലാതെ നിലനിർത്താനാണ് സമിതി ഐകകണ്ഠ്യേന തീരുമാനിച്ചതെന്ന് ഗവർണർ സഞ്ജയ് മൽഹോത്ര വ്യക്തമാക്കി. രാജ്യത്തെ സാമ്പത്തിക വളർച്ച സുസ്ഥിരമാക്കുന്നതിനും വിലക്കയറ്റം നിയന്ത്രിക്കുന്നതിനും നിലവിലെ നിരക്ക് സഹായകരമാകുമെന്നാണ് ആർബിഐയുടെ വിലയിരുത്തൽ.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
No change in interest rates; Reserve Bank keeps repo rate at 5.25 percent
