ഐ പി എൽ കന്നി കിരീടം സ്വന്തമാക്കി റോയൽ ചലഞ്ചേഴ്സ് ബാംഗളൂർ.പതിനെട്ട് വർഷത്തെ കാത്തിരിപ്പിന് വിരാമമിട്ടുകൊണ്ടാണ് ആർ സി ബി കന്നി കിരീടം സ്വന്തമാക്കിയിരിക്കുന്നത്.ഫൈനലിൽ പഞ്ചാബിനെ 6 റൺസിനാണ് തോൽപ്പിച്ചത്. ഇതിന് മുൻപ് മൂന്ന് തവണ ആർ സി ബി ഫൈനലിൽ എത്തിയെങ്കിലും കപ്പ് സ്വന്തമാക്കാൻ കഴിഞ്ഞില്ല. കിരീടപ്പോരില് ടോസ് നഷ്ടമായി ആദ്യം ബാറ്റ് ചെയ്ത ആര്സിബി 20 ഓവറില് 9 വിക്കറ്റ് നഷ്ടത്തില് 190 റണ്സടിച്ചപ്പോള് പഞ്ചാബിന് 20 ഓവറില് ഏഴ് വിക്കറ്റ് നഷ്ടത്തില് 184 റണ്സെടുക്കാനെ കഴിഞ്ഞുള്ളു.30 പന്തില് പുറത്താവാതെ 61 റണ്സെടുത്ത ശശാങ്ക് സിംഗിന്റെ പോരാട്ടമാണ് പഞ്ചാബിന്റെ തോല്വിഭാരം കുറച്ചത്. ജോഷ് ഹേസല്വുഡ് എറിഞ്ഞ അവസാന ഓവറില് 29 റണ്സായിരുന്നു പഞ്ചാബിന് ജയിക്കാന് വേണ്ടിയിരുന്നത്. ജോഷ് ഹേസല്വുഡിന്റെ ആദ്യ രണ്ട് പന്തിലും റണ്ണെടുക്കാതിരുന്ന ശശാങ്ക് അവസാന നാലു പന്തിൽ മൂന്ന് സിക്സും ഒരു ഫോറും പറത്തിയെങ്കിലും ആറ് റണ്സകലെ പഞ്ചാബ് കിരീടം കൈവിട്ടു. ശശാങ്കിന് പുറമെ 29 പന്തില് 39 റണ്സെടുത്ത ജോഷ് ഇംഗ്ലിസ് മാത്രമാണ് പഞ്ചാബ് നിരയില് പൊരുതിയത്. ക്യാപ്റ്റന് ശ്രേയസ് അയ്യര് ഒരു റണ്ണുമായി മടങ്ങിയപ്പോള് നാലോവറില് 17 റണ്സ് മാത്രം വഴങ്ങി ഇംഗ്ലിസിന്റെ അടക്കം രണ്ട് വിക്കറ്റെടുത്ത ക്രുനാല് പാണ്ഡ്യ ആര്സിബിക്കായി നിര്ണായക പ്രകടനം കാഴ്ചവെച്ചു. സ്കോര് ആര്സിബി 20 ഓവറില് 190-9. പഞ്ചാബ് കിംഗ്സ് 20 ഓവറില് 184-7.
‘ഈ സാലാ കപ്പ് നംദേ!’ കന്നിക്കപ്പടിച്ച് കോഹ്ലിപ്പട: ഐപിഎൽ കിരീടം ചൂടി ബംഗളൂരു!
