അമേരിക്കയിലെ ആരോഗ്യ മേഖലയിൽ വ്യാപകമായ ജോലിയിൽ നിന്ന് പിരിച്ചുവിടലും സേവനങ്ങൾ വെട്ടിക്കുറക്കുകളും ഉണ്ടാകുന്ന സാഹചര്യത്തിൽ, പല കനേഡിയൻ പ്രവിശ്യകളും അമേരിക്കയിൽ നിന്നുള്ള ഡോക്ടർമാരെയും ഗവേഷകരെയും ആകർഷിക്കാൻ പ്രത്യേക റിക്രൂട്ട്മെന്റ് നടപടികൾ ആവിഷ്കരിക്കുമ്പോൾ, ക്യൂബെക് അത്തരം നടപടികൾ കൈക്കൊള്ളില്ലെന്ന് സ്ഥിരീകരിച്ചിരിക്കുന്നു. ക്യൂബെക്കിന്റെ ഇമ്മിഗ്രേഷൻ ഡിപ്പാർട്മെന്റും സാന്റെ ക്യൂബെക്കും അമേരിക്കൻ മെഡിക്കൽ പ്രൊഫഷണലുകളെ റിക്രൂട്ട് ചെയ്യാൻ പ്രത്യേക നടപടികൾ ഒന്നും തന്നെ ആസൂത്രണം ചെയ്തിട്ടില്ലെന്ന് അറിയിച്ചു.
അമേരിക്കയിൽ പരിശീലനം നേടിയ ഡോക്ടർമാർക്ക് നിലവിലുള്ള പ്രക്രിയകളിലൂടെ ക്യൂബെക്കിൽ ഇപ്പോഴും അപേക്ഷിക്കാൻ കഴിയുമെങ്കിലും, അവർ സാധാരണ കുടിയേറ്റ നടപടിക്രമങ്ങളിലൂടെയും ലൈസൻസിംഗ് നടപടിക്രമങ്ങളിലൂടെയും കടന്നുപോകേണ്ടതുണ്ട്. ഇതിന് വിപരീതമായി, ഒന്റാറിയോ, ബ്രിട്ടീഷ് കൊളംബിയ, ന്യൂ ബ്രൺസ്വിക്ക്, നോവ സ്കോഷ്യ, സാസ്കാച്ചവാൻ, മാനിറ്റോബ എന്നീ പ്രവിശ്യകൾ അമേരിക്കൻ ഡോക്ടർമാരെ ആകർഷിക്കാൻ സജീവമായി പ്രവർത്തിക്കുന്നുണ്ട്. ഒന്റാറിയോ സ്വയമേവ യോഗ്യതാ അംഗീകാരവും അന്തർ പ്രവിശ്യ മൊബിലിറ്റിയും പരിശോധിക്കുന്നുണ്ട്, അതേസമയം സാസ്കാച്ചവാനും മാനിറ്റോബയും അമേരിക്കയിൽ റിക്രൂട്ട്മെന്റ് കാമ്പെയ്നുകൾ ആരംബിച്ചിട്ടുണ്ട്.
ക്യൂബെക്കിലെ ഫിസീഷ്യൻസ്, അമേരിക്കയിൽ നിന്നുള്ള ചില ഡോക്ടർമാർ ക്യൂബെക്കിലേക്ക് തിരിച്ച് എത്താൻ അപേക്ഷിക്കുന്നതിലും തിരികെ വരുന്നതിലും ചെറിയ വർധനവ് ഉണ്ടായിട്ടുണ്ട്. ചിലർ ഇതിന് കാരണം ട്രംപിന്റെ ഭരണം ആണെന്ന് പറയുന്നു.
ലൈസൻസിംഗ് സമയപരിധികൾ വ്യത്യാസപ്പെടുന്നു: കുടുംബ ഡോക്ടർമാർക്ക് കുറച്ച് ആഴ്ചക്കുള്ളിൽ തന്നെ ലൈസൻസ് ലഭിക്കാം. എന്നാൽ, സ്പെഷ്യലിസ്റ്റുകൾക്ക് യോഗ്യത പരിശോധിക്കുകയും പരീക്ഷകൾ എഴുതേണ്ടതായിരിക്കും, അതിനാൽ അവർക്കു ലൈസൻസ് ലഭിക്കാൻ മാസങ്ങൾക്കോളം സമയം എടുക്കും.
