പൊയിലീവ്രെയുടെ വാഗ്ദാനം
കനേഡിയൻ കൺസർവേറ്റീവ് പാർട്ടി നേതാവ് പിയറി പൊയിലീവ്രെ, അധികാരത്തിൽ വന്നാൽ ഒറ്റത്തവണ ഉപയോഗിക്കുന്ന പ്ലാസ്റ്റിക് വസ്തുക്കളുടെ നിരോധനം നീക്കം ചെയ്യുമെന്ന് പ്രഖ്യാപിച്ചു. സ്ട്രോകൾ, ഗ്രോസറി ബാഗുകൾ, കട്ലറി എന്നിവയുടെ നിരോധനവും പ്ലാസ്റ്റിക് പായ്ക്കേജിംഗ് നിലവാരങ്ങളും നിർത്തലാക്കുമെന്ന് അദ്ദേഹം പറഞ്ഞു.
ലിബറൽ സർക്കാരിന്റെ നയങ്ങൾ ഉപഭോക്താക്കൾക്കും സമ്പദ്വ്യവസ്ഥയ്ക്കും ദോഷകരമാണെന്ന് അദ്ദേഹം വിമർശിച്ചു. 2030-ഓടെ ഭക്ഷണ പാക്കേജിങ്ങിന്റെ 60% പുനരുപയോഗം ചെയ്ത പ്ലാസ്റ്റിക്കിൽ നിന്ന് നിർമിക്കണമെന്ന ലിബറൽ നിർദ്ദേശം “പ്ലാസ്റ്റിക് നികുതി” ആയി വിശേഷിപ്പിച്ച പൊയിലീവ്രെ, ഇത് സമ്പദ്വ്യവസ്ഥയ്ക്ക് 1.3 ബില്യൺ ഡോളറും ഓരോ കുടുംബത്തിനും വർഷത്തിൽ 400 ഡോളറും അധിക ചെലവുണ്ടാക്കുമെന്ന് വാദിച്ചു.
2022-ൽ ഫെഡറൽ സർക്കാർ നിർമ്മിത പ്ലാസ്റ്റിക്കുകൾ “വിഷകരം” എന്ന് പ്രഖ്യാപിച്ചെങ്കിലും 2023-ൽ ഫെഡറൽ കോടതി ഈ നിർവചനം റദ്ദാക്കി. എന്നിരുന്നാലും, സർക്കാരിന്റെ അപ്പീൽ തീരുമാനമാകുന്നതുവരെ നിരോധനം തുടരും എന്ന് റിപ്പോർട്ട് ചെയ്തു.
