പശ്ചിമേഷ്യയിൽ ഇറാനും ഇസ്രയേലും തമ്മിലുള്ള സംഘർഷം രൂക്ഷമാകുന്ന സമയത്ത് ഇന്ത്യൻ പ്രധാനമന്ത്രി നരേന്ദ്രമോദി കാനഡയിലെ കനാനസ്കിസിൽ നടക്കുന്ന 51-ാമത് ജി7 ഉച്ചകോടിയിൽ പങ്കെടുക്കുന്നു. നയതന്ത്ര ബന്ധം വഷളായതിന് ശേഷമുള്ള മോദിയുടെ ആദ്യ കാനഡ സന്ദർശനം കൂടിയാണിത്. ഈ സന്ദർഭത്തിൽ അമേരിക്കൻ പ്രസിഡന്റ് ഡോണാൾഡ് ട്രംപ് അടക്കമുള്ള പ്രധാന ലോക നേതാക്കളുമായി മോദി കൂടിക്കാഴ്ച നടത്തുമെന്ന് പ്രതീക്ഷിക്കുന്നു.
ഓപ്പറേഷൻ സിന്ദൂറിന് തുടക്കമിട്ടതിന് ശേഷമുള്ള പ്രധാനമന്ത്രിയുടെ വിദേശ പര്യടനത്തിന്റെ ഭാഗമായാണ് ഈ സന്ദർശനം. സൈപ്രസിൽ നിന്ന് കാനഡയിലെത്തിയ മോദിയെ വിശിഷ്ട സ്വീകരണം നൽകിയിരുന്നു. സൈപ്രസ് പ്രസിഡന്റ് നിക്കോസ് ക്രിസ്റ്റോ ഡുലീദസുമായുള്ള ചർച്ചകൾക്ക് ശേഷമാണ് കാനഡയിലേക്കുള്ള യാത്ര. ഉച്ചകോടിക്ക് ശേഷം ക്രൊയേഷ്യയിലേക്കുള്ള ചരിത്ര സന്ദർശനവും ആസൂത്രണം ചെയ്തിട്ടുണ്ട്.
ഇറാൻ-ഇസ്രയേൽ സംഘർഷം ഉച്ചകോടിയിലെ പ്രധാന ചർച്ചാ വിഷയമാകുമെന്ന് പ്രതീക്ഷിക്കുന്നുണ്ട്. രണ്ട് രാജ്യങ്ങളും ചർച്ചയിലൂടെ പ്രശ്നം പരിഹരിക്കണമെന്ന ഇന്ത്യയുടെ പരമ്പരാഗത നിലപാട് ഉച്ചകോടിയിൽ പ്രതിധ്വനിക്കുമെന്ന് കരുതുന്നു. സംഘർഷ പരിഹാരത്തിന് പുറമെ ഊർജ്ജ സുരക്ഷ, സാങ്കേതിക സഹകരണം, നവീകരണം എന്നിവയുൾപ്പെടെയുള്ള ആഗോള വെല്ലുവിളികളിൽ ഇന്ത്യയുടെ നിലപാട് പ്രധാനമന്ത്രി വ്യക്തമാക്കും.
ക്രൊയേഷ്യയിലേക്കുള്ള മോദിയുടെ സന്ദർശനം ഇരു രാജ്യങ്ങളും തമ്മിലുള്ള ബന്ധത്തിൽ പുതിയ അധ്യായം തുറക്കുമെന്ന് പ്രതീക്ഷിക്കുന്നു. പ്രസിഡന്റ് സോറൻ മിലനോവിച്ചും പ്രധാനമന്ത്രി ആൻഡ്രെജ് പ്ലെൻകോവിച്ചുമായുള്ള കൂടിക്കാഴ്ചകൾ ദ്വിരാഷ്ട്ര സഹകരണത്തിന് പുതിയ മാനങ്ങൾ നൽകുമെന്ന് കരുതുന്നു. ഒരു ഇന്ത്യൻ പ്രധാനമന്ത്രി ക്രൊയേഷ്യ സന്ദർശിക്കുന്നത് ഇതാദ്യമെന്നത് ഈ സന്ദർശനത്തിന് കൂടുതൽ പ്രാധാന്യം നൽകുന്നു.
