ബ്രാൻ്റ് കൗണ്ടിയിൽ പേവിഷബാധ സ്ഥിരീകരിച്ച വവ്വാലുമായി സമ്പർക്കത്തിൽ വന്ന ഒരാൾക്ക് പ്രതിരോധ ചികിത്സ നൽകി. ഗ്രാൻഡ് ഈരി പബ്ലിക് ഹെൽത്ത് യൂണിറ്റ് വെള്ളിയാഴ്ച പുറത്തിറക്കിയ വാർത്താക്കുറിപ്പിലാണ് ഇക്കാര്യം അറിയിച്ചത്. ബ്രാൻ്റ്ഫോർഡ്-ബ്രാൻ്റ് പ്രദേശത്ത് നിന്നാണ് വവ്വാലിനെ കണ്ടെത്തിയത്. പേവിഷബാധ സ്ഥിരീകരിച്ചതിനെത്തുടർന്ന്, സമ്പർക്കത്തിൽ വന്നയാൾക്ക് പേവിഷബാധ തടയുന്നതിനുള്ള പ്രതിരോധ കുത്തിവയ്പ്പുകളും പ്രതിരോധ ഗ്ലോബുലിനും നൽകി വരികയാണ്.
പേവിഷബാധയുള്ള നായ്ക്കൾ, കുറുക്കൻ, റാക്കൂൺ, സ്കൻക്, വവ്വാൽ തുടങ്ങിയ മൃഗങ്ങളുടെ കടിയിലൂടെയോ മാന്തലിലൂടെയോ ആണ് മനുഷ്യരിലേക്ക് രോഗം പകരുന്നത്. മൃഗങ്ങളുടെ ഉമിനീരിലൂടെയും സ്രവങ്ങളിലൂടെയുമാണ് രോഗാണുക്കൾ പ്രധാനമായും പകരുന്നത്. പേ വിഷബാധയുള്ള ഏതൊരു ജീവിയും കടിക്കുകയോ മാന്തുകയോ ചെയ്തതിനു ഉടൻ തന്നെ രോഗപ്രതിരോധ നടപടികൾ സ്വീകരിക്കേണ്ടത്താണ്.
രോഗലക്ഷണങ്ങൾ പ്രകടമാകാൻ ദിവസങ്ങളോ ചിലപ്പോൾ മാസങ്ങളോ എടുത്തേക്കാം.
പനി, ക്ഷീണം, തലവേദന, ഉത്കണ്ഠ, അസ്വസ്ഥത, ശരീരത്തിൽ tingling, മരവിപ്പ് എന്നിവയാണ് പേവിഷബാധയുടെ പ്രധാന ലക്ഷണങ്ങൾ. രോഗം മൂർച്ഛിക്കുന്നതോടെ തലച്ചോറിന് നീർക്കെട്ടുണ്ടാവുകയും ആശയക്കുഴപ്പം, അപസ്മാരം, മതിഭ്രമം തുടങ്ങിയവ ഉണ്ടാകുകയും ചെയ്യും.
വെള്ളത്തിനോടും വായുവിനോടും ഭയമുണ്ടാകുന്ന അവസ്ഥയും കണ്ടുവരാറുണ്ട്. കഴിഞ്ഞ വർഷം ടിമിസ്കാമിംഗ് മേഖലയിൽ ഒരു കുട്ടിക്ക് പേവിഷബാധയേറ്റ വവ്വാലുമായി സമ്പർക്കമുണ്ടായതിനെത്തുടർന്ന് മരണം സംഭവിച്ചിരുന്നു. പബ്ലിക് ഹെൽത്ത് ഒൻ്റാറിയോയുടെ കണക്കനുസരിച്ച്, 1967-ന് ശേഷം കാനഡയിൽ മനുഷ്യരിൽ സ്ഥിരീകരിച്ച ആദ്യത്തെ പേവിഷബാധ കേസ് ആയിരുന്നു അത്.
