നോർത്ത് വെസ്റ്റ് ടെറിട്ടറീസ്: കാനഡയിലെ നോർത്ത് വെസ്റ്റ് ടെറിട്ടറീസ് നോമിനി പ്രോഗ്രാം (NTNP) 2025-ലേക്ക് 47 പുതിയ ഒഴിവുകൾ കൂടി പ്രഖ്യാപിച്ചു. ഇതോടെ ആകെ ഒഴിവുകളുടെ എണ്ണം 197 ആയി ഉയർന്നു. തൊഴിൽ ക്ഷാമം, ജനസംഖ്യാ വർധനവ് തുടങ്ങിയ പ്രവിശ്യയുടെ പ്രത്യേക ആവശ്യങ്ങൾ പരിഗണിച്ച് കുടിയേറ്റ പരിപാടികളിൽ മാറ്റം വരുത്തുന്നതിന് സർക്കാർ നടത്തിയ നിരന്തരമായ ശ്രമങ്ങളുടെ ഫലമാണ് ഈ തീരുമാനം.
2025-ലെ രണ്ടാമത്തെ അപേക്ഷാഘട്ടത്തിൽ യോഗ്യരായ ഉദ്യോഗാർത്ഥികളെ അവരുടെ വർക്ക് പെർമിറ്റിന്റെ കാലാവധി അവസാനിക്കുന്നതിന്റെ മുൻഗണനാക്രമം അനുസരിച്ച് തിരഞ്ഞെടുക്കും.
“അഭിവൃദ്ധിയുള്ള ഒരു പ്രദേശം കെട്ടിപ്പടുക്കുന്നതിൽ കുടിയേറ്റം നിർണായകമാണെന്നും ഈ അധിക ഒഴിവുകൾ തൊഴിൽ ക്ഷാമം പരിഹരിക്കാൻ സഹായിക്കുമെന്നും മന്ത്രി കെയ്റ്റ്ലിൻ ക്ലീവ്ലാൻഡ് പറഞ്ഞു.
തൊഴിൽ സേനയുടെ വികസനം, സാമ്പത്തിക വളർച്ച, സാമൂഹിക സ്ഥിരത എന്നിവയെ പ്രോത്സാഹിപ്പിക്കുന്നതിനുള്ള പദ്ധതിയാണ് എൻ.ടി.എൻ.പി. എംപ്ലോയർ-ഡ്രൈവൻ, ഫ്രാങ്കോഫോൺ, ബിസിനസ് എന്നീ സ്ട്രീമുകൾ ഈ പ്രോഗ്രാമിന് കീഴിലുണ്ട്. ഈ പ്രോഗ്രാമിലേക്ക് അപേക്ഷിക്കാൻ നോർത്ത് വെസ്റ്റ് ടെറിട്ടറീസിൽ നിന്നുള്ള സാധുവായ ഒരു തൊഴിൽ വാഗ്ദാനമോ ബിസിനസ് പ്ലാനോ ആവശ്യമാണ്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Northwest Territories increases immigration quota, creates 47 new vacancies in NTNP program
