യാത്രക്കാരുടെ ശ്രദ്ധക്ക്! കാനഡയിലെ ഈ റോഡ് അടച്ചിടും, ബദൽ റൂട്ടുകൾ ഉപയോ​ഗിക്കാൻ നിർദേശം

ഈസ്റ്റേൺ അഡലെയ്ഡ് പാലത്തിന്റെ നിർമാണം നടക്കുന്നതിനാൽ ഡോൺ വാലി പാർക്ക്‌വേയിൽ (ഡിവിപി) രാത്രികാല ​ഗതാ​ഗത നിയന്ത്രണം ഏർപ്പെടുത്തും. രാത്രിയിലും പണിനടക്കുന്നതിനാലാണ് റോഡിൽ നിയന്ത്രണങ്ങളും റാമ്പ് അടച്ചിടലും ഏർപ്പെടുത്തുന്നത്. മെയ് 20 ചൊവ്വാഴ്ച മുതൽ മെയ് 22 വ്യാഴാഴ്ച വരെ രാത്രി 11 മുതൽ പുലർച്ചെ 5 വരെ നിയന്ത്രണങ്ങളുണ്ടാകും. ഈസ്റ്റേൺ അവന്യൂ, അഡലെയ്ഡ് സ്ട്രീറ്റ് എന്നിവിടങ്ങളിൽ നവീകരിക്കുന്നതിനുള്ള പ്രവൃത്തികൾ നടന്നുകൊണ്ടിരിക്കുകയാണ്. രാത്രികാലം ഈ റോഡ് അടച്ചിടുന്നതിനായ ഡ്രൈവർമാർ യാത്രക്കിറങ്ങുമ്പോൾ മുൻകൂട്ടി ആസൂത്രണം ചെയ്ത് ഇതര റൂട്ടുകൾ ഉപയോഗിക്കണമെന്ന് അധികൃതർ അഭ്യർത്ഥിക്കുന്നു.