ഒട്ടാവ: ഗോൾഡൻ ഹോഴ്സ്ഷൂ മേഖലയിൽ ചൊവ്വാഴ്ച മണിക്കൂറുകളോളം നീണ്ടുനിൽക്കുന്ന ശീതമഴയ്ക്ക് (Freezing rain) സാധ്യതയുണ്ടെന്ന് എൻവയോൺമെന്റ് കാനഡ മുന്നറിയിപ്പ് നൽകി. ബ്രാൻഫോർഡ്, ഹാമിൽട്ടൺ, നയാഗ്ര മേഖലകളിൽ കാലാവസ്ഥാ വ്യതിയാനം ജനജീവിതത്തെ ബാധിച്ചേക്കുമെന്നും അധികൃതർ പുറപ്പെടുവിച്ച പ്രത്യേക പ്രസ്താവനയിൽ പറയുന്നു.
ബ്രാൻഫോർഡിൽ ചൊവ്വാഴ്ച രാവിലെ മുതൽ ശീതമഴ ആരംഭിക്കുമെങ്കിലും ഉച്ചയോടെ ഇത് സാധാരണ മഴയായി മാറാനാണ് സാധ്യത. ഹാമിൽട്ടണിൽ രാവിലെ മഞ്ഞുവീഴ്ചയോ ശീതമഴയോ അനുഭവപ്പെട്ടേക്കാം, ഉച്ചകഴിഞ്ഞ് ശീതമഴ ശക്തമാകുമെന്നാണ് റിപ്പോർട്ട്. നയാഗ്ര മേഖലയിൽ രാവിലെയോടെ മഴ ആരംഭിക്കുമെങ്കിലും ഉച്ചയോടെ ശീതമഴയ്ക്കുള്ള സാധ്യത നിലനിൽക്കുന്നുണ്ട്. മൂന്ന് മേഖലകളിലും രാവിലെ അനുഭവപ്പെടുന്ന മൂടൽമഞ്ഞ് ഉച്ചയോടെ മാറുമെന്നും കാലാവസ്ഥാ കേന്ദ്രം അറിയിച്ചു.
താപനിലയിലെ കുറവ് മൂലം കടുത്ത തണുപ്പാണ് ബ്രാൻഫോർഡിലും ഹാമിൽട്ടണിലും അനുഭവപ്പെടുന്നത്. ബ്രാൻഫോർഡിൽ താപനില -9 ഡിഗ്രി സെൽഷ്യസ് വരെ താഴാൻ സാധ്യതയുണ്ട്. ഹാമിൽട്ടണിൽ ഇത് -8 ഡിഗ്രി സെൽഷ്യസ് ആയിരിക്കും. നയാഗ്രയിൽ പകൽ 4 ഡിഗ്രി സെൽഷ്യസ് വരെ എത്തുന്ന താപനില വൈകുന്നേരത്തോടെ പൂജ്യം ഡിഗ്രിയിലേക്ക് താഴും. അർദ്ധരാത്രിയോടെ മഴയ്ക്ക് ശമനമുണ്ടാകുമെങ്കിലും മഞ്ഞുവീഴ്ചയ്ക്ക് സാധ്യതയുണ്ട്.
ഹാമിൽട്ടണിലും ബ്രാൻഫോർഡിലും വൈകുന്നേരത്തോടെ മഴ തുടരാനും രാത്രിയിൽ താപനില 1 ഡിഗ്രി സെൽഷ്യസിലേക്ക് താഴാനും സാധ്യതയുണ്ട്. ആകാശം മേഘാവൃതമായിരിക്കുമെന്നും ഇടവിട്ടുള്ള മഞ്ഞുവീഴ്ചയ്ക്ക് (Flurries) സാധ്യതയുണ്ടെന്നും മുന്നറിയിപ്പുണ്ട്. റോഡുകളിൽ വഴുക്കലുണ്ടാകാൻ സാധ്യതയുള്ളതിനാൽ വാഹനയാത്രികർ ജാഗ്രത പാലിക്കണമെന്ന് പ്രാദേശിക അധികൃതർ നിർദ്ദേശിച്ചു.
niagara-region-brantford-hamilton-freezing-rain
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
