വിമാന ടിക്കറ്റ് ബുക്കിംഗിലും റീഫണ്ട് നടപടികളിലും വിപ്ലവകരമായ മാറ്റങ്ങൾ വരുത്തിയിരിക്കുകയാണ് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ. പുതിയ നിയമപ്രകാരം ടിക്കറ്റ് ബുക്ക് ചെയ്ത് 48 മണിക്കൂറിനുള്ളിൽ അധിക ചിലവുകളില്ലാതെ യാത്രക്കാർക്ക് ടിക്കറ്റ് റദ്ദാക്കാനോ തീയതി മാറ്റാനോ സാധിക്കും. ഇതിനെ ‘ലുക്ക്-ഇൻ ഓപ്ഷൻ’ എന്നാണ് ഡിജിസിഎ വിശേഷിപ്പിക്കുന്നത്. ടിക്കറ്റ് ബുക്ക് ചെയ്യുമ്പോൾ പേരിൽ അബദ്ധവശാൽ തെറ്റുകൾ സംഭവിച്ചാൽ 24 മണിക്കൂറിനുള്ളിൽ സൗജന്യമായി തിരുത്താനും സാധിക്കും. എന്നാൽ ഈ സൗകര്യം എയർലൈനിന്റെ ഔദ്യോഗിക വെബ്സൈറ്റ് വഴി ബുക്ക് ചെയ്യുന്നവർക്ക് മാത്രമായിരിക്കും ലഭ്യമാകുക.
റീഫണ്ട് വൈകുന്നതിനെപ്പറ്റിയുള്ള യാത്രക്കാരുടെ നിരന്തരമായ പരാതികൾ പരിഗണിച്ചാണ് ഈ സുപ്രധാന നീക്കം. ട്രാവൽ ഏജന്റുകൾ വഴിയാണ് ടിക്കറ്റ് എടുത്തതെങ്കിലും റീഫണ്ട് നൽകാനുള്ള പൂർണ്ണ ഉത്തരവാദിത്തം ഇനി എയർലൈനുകൾക്കായിരിക്കും. 14 പ്രവൃത്തി ദിവസത്തിനുള്ളിൽ റീഫണ്ട് നടപടികൾ പൂർത്തിയാക്കണമെന്നും നിർദ്ദേശമുണ്ട്. പെട്ടെന്നുണ്ടാകുന്ന ആരോഗ്യപ്രശ്നങ്ങൾ കാരണം യാത്ര റദ്ദാക്കേണ്ടി വരുന്നവർക്കും പുതിയ മാറ്റങ്ങൾ ആശ്വാസകരമാകും.
ചില നിബന്ധനകളോടെയാണ് ഈ ആനുകൂല്യങ്ങൾ നടപ്പിലാക്കുന്നത്. ആഭ്യന്തര യാത്രകൾക്ക് ചുരുങ്ങിയത് 7 ദിവസം മുമ്പും, രാജ്യാന്തര യാത്രകൾക്ക് 15 ദിവസം മുമ്പും ബുക്ക് ചെയ്ത ടിക്കറ്റുകൾക്ക് മാത്രമേ 48 മണിക്കൂർ വരെയുള്ള സൗജന്യ റദ്ദാക്കൽ നിയമം ബാധകമാകൂ. ടിക്കറ്റിൽ മാറ്റങ്ങൾ വരുത്തുമ്പോൾ പുതിയ ടിക്കറ്റ് നിരക്കിലുണ്ടാകുന്ന വ്യത്യാസം (Fare Difference) മാത്രം യാത്രക്കാർ നൽകിയാൽ മതിയാകും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
New DGCA flight ticket refund rules allow passengers to cancel or change tickets for free within 48 hours of booking
