ഹാലിഫാക്സ്: നോവ സ്കോഷ്യയിൽ പുതിയ എക്സ്റ്റൻഡഡ് പ്രൊഡ്യൂസർ റെസ്പോൺസിബിലിറ്റി (EPR) റീസൈക്ലിംഗ് നിയമങ്ങൾ നിലവിൽ വന്നു. പാക്കേജിംഗ്, പേപ്പർ ഉത്പന്നങ്ങളുടെ റീസൈക്ലിംഗിൻ്റെ സാമ്പത്തികവും പ്രവർത്തനപരവുമായ ഉത്തരവാദിത്തം ഇനി മുതൽ ഈ ഉൽപ്പന്നങ്ങൾ നിർമ്മിക്കുകയും ഇറക്കുമതി ചെയ്യുകയും വിൽക്കുകയും ചെയ്യുന്ന കമ്പനികൾക്കായിരിക്കും. ഹാലിഫാക്സ് റീജിയണൽ മുനിസിപ്പാലിറ്റി (HRM) അടക്കമുള്ള പ്രദേശങ്ങൾ ഈ പുതിയ പരിപാടിയുടെ ഭാഗമായിട്ടുണ്ട്. താമസക്കാർക്കുള്ള കർബ്സൈഡ് റീസൈക്ലിംഗ് ശേഖരണം നിലവിലെ രീതിയിൽ തുടരും, എന്നാൽ സ്വീകരിക്കുന്ന വസ്തുക്കളിൽ മാറ്റങ്ങളുണ്ട്.
പ്രധാന മാറ്റങ്ങൾ ഇവയാണ്:
ബ്ലൂ ബാഗിൽ സ്വീകരിക്കുന്ന പുതിയ സാധനങ്ങൾ:
പുതിയ നിയമങ്ങൾ പ്രകാരം ഇനിപ്പറയുന്ന സാധനങ്ങൾ ബ്ലൂ റീസൈക്ലിംഗ് ബാഗുകളിൽ ഉൾപ്പെടുത്താം:
മൾട്ടി-ലെയർ പേപ്പർ കണ്ടെയ്നറുകൾ: ഡിസ്പോസബിൾ പേപ്പർ കപ്പുകൾ (ചൂടുള്ളതും തണുത്തതുമായ പാനീയങ്ങൾ), പേപ്പർ ബൗളുകൾ, ഐസ്ക്രീം കാർട്ടണുകൾ, കുക്കീ ഡോയുടെയും ജ്യൂസിൻ്റെയുമൊക്കെ സ്പൈറൽ കാൻസ്, പൊട്ടറ്റോ ചിപ്സ് സ്പൈറൽ കാൻസ്.
പ്ലാസ്റ്റിക് ട്യൂബുകൾ: ടൂത്ത്പേസ്റ്റ്, ഡിയോഡറൻ്റ്, ഹാൻഡ് ക്രീം കണ്ടെയ്നറുകൾ.
ചെറിയ പ്ലാസ്റ്റിക് പാക്കേജിംഗ്: ചെറിയ ബോട്ടിലുകളും പമ്പുകളും, കാൻഡി/ഗം കണ്ടെയ്നറുകൾ, ചെറിയ ബക്കറ്റുകൾ, പൂച്ചട്ടികൾ , തൈകൾ നടുന്ന ട്രേകൾ (seedling trays).
ഒഴിവാക്കിയ സാധനങ്ങൾ:
Pots and Pans ഇനിമുതൽ കർബ്സൈഡ് കളക്ഷനിൽ സ്വീകരിക്കില്ല. ഈ സാധനങ്ങൾ ദാനം ചെയ്യാനോ, അത് സാധ്യമല്ലെങ്കിൽ സാധാരണ മാലിന്യത്തിൽ ഉൾപ്പെടുത്താനോ ആണ് താമസക്കാർക്ക് നിർദ്ദേശം.
ഡെപ്പോസിറ്റ് ഡ്രോപ്പ്-ഓഫ് സെൻ്ററുകളിൽ സ്വീകരിക്കുന്നത്:
പ്രത്യേകമായി തിരഞ്ഞെടുക്കപ്പെട്ട ഡ്രോപ്പ്-ഓഫ് ലൊക്കേഷനുകളിൽ താഴെ പറയുന്നവ സ്വീകരിക്കും:
ഫോം പാക്കേജിംഗ്: മാംസം വെക്കുന്ന ട്രേകൾ, ടേക്ക്ഔട്ട് കണ്ടെയ്നറുകൾ.
ഫ്ലെക്സിബിൾ പ്ലാസ്റ്റിക്കുകൾ: കോഫി പൗച്ചുകൾ, ചിപ്പ് ബാഗുകൾ, ബബിൾ റാപ്പ്, കാൻഡി റാപ്പറുകൾ, സീരിയൽ ലൈനർ ബാഗുകൾ.
നോൺ-ഹസാർഡസ് എയറോസോൾ കാൻസ്: ഹെയർ സ്പ്രേ, എയർ ഫ്രഷ്നറുകൾ, ഷേവിംഗ് ക്രീം.
ഈ EPR സംവിധാനത്തിൻ്റെ ശേഖരണവും പ്രോസസ്സിംഗ് ചുമതലയും സർക്കുലർ മെറ്റീരിയൽസ് എന്ന ദേശീയ നോൺ-പ്രോഫിറ്റ് സ്ഥാപനത്തിനാണ്. ഡൈവർട്ട് എൻ.എസ് ആണ് പ്രോഗ്രാമിൻ്റെ മേൽനോട്ടം വഹിക്കുന്നത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
New N.S. recycling regulations come into effect Monday
