കാണാതായ സഹോദരങ്ങൾ; പിക്ടൗ കൗണ്ടിയിലെ തിരച്ചിൽ വീണ്ടും നിരാശയിൽ അവസാനിച്ചു

നോവ സ്കോഷ്യയിലെ പിക്ടൗ കൗണ്ടിയിൽ കഴിഞ്ഞ മെയ് 2 മുതൽ കാണാതായ ആറു വയസ്സുള്ള ലില്ലിയും നാലു വയസ്സുള്ള ജാക്ക് സുല്ലിവനും ഇപ്പോഴും കണ്ടെത്താനായിട്ടില്ല. ശനിയാഴ്ചയും ഞായറാഴ്ചയും തിരച്ചിൽ സംഘങ്ങൾ കുട്ടികളുടെ വീടിനടുത്തുള്ള ഗെയർലോച് റോഡിൽ കേന്ദ്രീകരിച്ച് കൂടുതൽ പ്രദേശങ്ങൾ പരിശോധിച്ചെങ്കിലും ഫലമുണ്ടായില്ല. തിരച്ചിലിൽ നേതൃത്വം നൽകിയ മാനേജർ എയ്മി ഹാൻസൻ പറഞ്ഞതനുസരിച്ച്, ജലാശയങ്ങൾക്ക് സമീപമുള്ള പ്രദേശങ്ങളിൽ സംഘങ്ങളെ വീണ്ടും നിയോഗിച്ചെങ്കിലും, അവിടെയൊന്നും കണ്ടെത്താനായില്ല. ഇനി, ലഭിക്കുന്ന വിവരങ്ങളും അന്വേഷണ സൂചനകളും അടിസ്ഥാനമാക്കി അടുത്ത നടപടികൾ തീരുമാനിക്കണമെന്ന് അവർ വ്യക്തമാക്കി.
തിരച്ചില്‍ നടത്തുന്ന സംഘം നൂറുകണക്കിന് സൂചനകള്‍ പരിശോധിക്കേണ്ടി വരുമെന്നാണ് ഹാന്‍സന്‍ പറഞ്ഞത്.

“അവര്‍ ആദ്യം കുട്ടികള്‍ക്ക് ഏറ്റവും അടുത്തുള്ള പ്രദേശങ്ങളില്‍ തിരച്ചില്‍ ആരംഭിക്കുകയും പിന്നീട് പുറത്തേക്ക് വിപുലീകരിക്കുകയും ചെയ്യും,” എന്നാണ് CTV യിലെ പൊതുജന സുരക്ഷാ വിദഗ്ധനും മുന്‍ OPP കമ്മീഷണറുമായ ക്രിസ് ലൂയിസ് പറഞ്ഞത്. “ആ കുട്ടികൾ കാട്ടിൽ അല്ലെങ്കിൽ പിന്നെ അവർക്ക് എന്താണ് സംഭവിച്ചത്?” RCMP മെയ് 7-ന് തിരച്ചിൽ പ്രവർത്തനങ്ങൾ കുറച്ചു. ശനിയാഴ്ചയും ഞായറാഴ്ചയുമുള്ള തിരച്ചിൽ പ്രയത്നങ്ങൾ അവലോകനം ചെയ്ത് അന്വേഷണത്തെ സഹായിക്കുമെന്ന് അവർ പറഞ്ഞു, എന്നാൽ കൂടുതൽ വിവരങ്ങൾ പറയാൻ അവർ തയ്യാറായില്ല.

കുട്ടികളുടെ അച്ഛനായ ഡാനിയൽ മാർട്ടെൽ പ്രതീക്ഷ കൈവിട്ടിട്ടില്ലെന്ന് പറയുന്നു. “ഇപ്പോൾ കേവലം ക്ഷീണം മാത്രമാണ്, “എല്ലാ ദിവസവും ഞാൻ പ്രതീക്ഷിക്കുന്നു, പക്ഷേ ഒന്നും ഇതുവരെ കണ്ടെത്താനാവാത്തത് പ്രതീക്ഷകൽ കോപമായി മാറുന്നു.”
അന്വേഷണത്തിന്റെ അടുത്ത ഘട്ടത്തിനുള്ള പദ്ധതികൾ RCMP പുറത്തുവിട്ടിട്ടില്ല, എന്നാൽ ലൂയിസ് പറയുന്നത് പൊതുജനം പോലീസിനെ വിശ്വസിക്കണമെന്നാണ്. “”ഇത് അവരുടെ ആദ്യ തിരച്ചിലും ആദ്യ പ്രധാന അന്വേഷണവും അല്ല.” എന്ന് അദ്ദേഹം ഓർമ്മിപ്പിക്കുകയും ചെയ്തു.

“ഇവിടുത്തെ മുഴുവൻ സമൂഹത്തിനും ഇത് കഠിനമായ നിമിഷങ്ങളാണ്, തീർച്ചയായും ഈ സംഭവത്തെ കുറിച്ച് ദേശീയതലത്തിൽ വലിയ ശ്രദ്ധ നൽകിയിട്ടുണ്ട്” എന്ന് പ്രിമിയർ ടിം ഹൂസ്റ്റൺ പ്രവിശ്യ മുഴുവൻ പിടിച്ചുകുലുക്കിയ തിരച്ചിലിനെക്കുറിച്ച് അഭിപ്രായപ്പെട്ടു. “അധികാരികൾ പ്രൊഫഷണലും വിശദവുമായ തിരച്ചിൽ നടത്തുന്നുണ്ടെന്ന് എനിക്കറിയാം, പക്ഷേ ഇത് പിക്ടൗ കൗണ്ടിയിലെ ജനങ്ങളുടെ മനസ്സിൽ മാത്രമല്ല, അതിനപ്പുറവും വളരെ ഭാരമുണ്ടാക്കുന്നുണ്ട്.” പോലീസ് എല്ലാവിത സൗകര്യങ്ങളും ഉപയോഗിക്കണമെന്ന് മാർട്ടെൽ പറഞ്ഞു.