ബെംഗളൂരു: എ.ടി.എമ്മുകളിൽ നിറയ്ക്കാനായി കൊണ്ടുവന്ന ഏഴ് കോടി രൂപയുമായി പോയ വാഹനം തടഞ്ഞു നിർത്തി മോഷണം. കേന്ദ്ര നികുതി വകുപ്പിലെ (Central Tax Department) ഉദ്യോഗസ്ഥരാണെന്ന് തെറ്റിദ്ധരിപ്പിച്ചെത്തിയ സംഘമാണ് കവർച്ച നടത്തിയത്. ബെംഗളൂരുവിലെ ജയനഗറിൽ വെച്ചാണ് ആസൂത്രിതമായി മോഷണം നടന്നത്. നഗരത്തിൽ ഏറെ കോളിളക്കം സൃഷ്ടിച്ച ഈ കേസിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്.
ജെ.പി. നഗറിലുള്ള ഒരു സ്വകാര്യ ബാങ്കിന്റെ ശാഖയിൽ നിന്ന് പണം ശേഖരിച്ച് എത്തിയ വാൻ, ഇന്നോവ കാറിലെത്തിയ സംഘം തടഞ്ഞു നിർത്തി. നികുതി വകുപ്പ് ഉദ്യോഗസ്ഥരെന്ന് സ്വയം പരിചയപ്പെടുത്തിയ മോഷ്ടാക്കൾ പണത്തിന്റെ രേഖകൾ ആവശ്യപ്പെട്ടു. പണം കൊണ്ടുവന്ന ജീവനക്കാരെ ഭീഷണിപ്പെടുത്തിയ ശേഷം, ഏഴ് കോടി രൂപയും വാഹനത്തിൽ നിന്ന് തങ്ങളുടെ കാറിലേക്ക് മാറ്റുകയായിരുന്നു. തുടർന്ന് ഇവർ സംഭവസ്ഥലത്ത് നിന്ന് അതിവേഗം രക്ഷപ്പെട്ടു.
സംഭവം ആസൂത്രിതമായ കവർച്ചയാണെന്ന് പോലീസ് സ്ഥിരീകരിച്ചു. പ്രതികൾ ചാരനിറത്തിലുള്ള കാറിലാണ് എത്തിയത്. ഇവരെ കണ്ടെത്താനായി നഗരത്തിലെ വിവിധ സ്ഥലങ്ങളിലെ സി.സി.ടി.വി. ദൃശ്യങ്ങൾ പോലീസ് വിശദമായി പരിശോധിച്ചു വരികയാണ്. കേസ് അന്വേഷണത്തിനായി പ്രത്യേക സംഘങ്ങളെ നിയോഗിച്ചിട്ടുണ്ട്. ബാങ്ക് ജീവനക്കാരുടെ മൊഴികളും, ലഭിച്ച മറ്റ് തെളിവുകളും കേന്ദ്രീകരിച്ചാണ് നിലവിൽ അന്വേഷണം പുരോഗമിക്കുന്നത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Massive robbery in Bengaluru; People posing as officials steal money brought to fill ATM
