ഒട്ടാവ: കാനഡയിലേക്ക് കുടിയേറാൻ ആഗ്രഹിക്കുന്നവർക്കും നിലവിൽ അവിടെ ജോലി ചെയ്യുന്നവർക്കും നിർണ്ണായകമായ അറിയിപ്പുമായി കനേഡിയൻ ഭരണകൂടം. രാജ്യത്തെ നാഷണൽ ഒക്യുപ്പേഷണൽ ക്ലാസിഫിക്കേഷൻ (NOC) സംവിധാനത്തിൽ വൻ പരിഷ്കാരങ്ങൾ വരുത്താൻ ഒരുങ്ങുകയാണ്. ‘NOC 2026’ എന്ന് പേരിട്ടിരിക്കുന്ന ഈ പുതിയ മാറ്റം വെറുമൊരു അപ്ഡേഷൻ മാത്രമല്ല, മറിച്ച് തൊഴിൽ മേഖലയെ അടിമുടി മാറ്റുന്ന ഒന്നായിരിക്കുമെന്നാണ് റിപ്പോർട്ടുകൾ.
എന്താണ് NOC 2026?
കാനഡയിലെ ഓരോ ജോലിയെയും തരംതിരിക്കാൻ ഉപയോഗിക്കുന്ന കോഡുകളാണ് NOC. ഇമിഗ്രേഷൻ അപേക്ഷകളിൽ ഒരാളുടെ ജോലി പരിചയം കണക്കാക്കുന്നത് ഈ കോഡുകൾ അടിസ്ഥാനമാക്കിയാണ്. സാധാരണയായി 10 വർഷത്തിലൊരിക്കൽ നടക്കുന്ന വലിയ മാറ്റങ്ങൾ ഇത്തവണ വെറും 5 വർഷത്തിനുള്ളിൽ തന്നെ നടപ്പിലാക്കുന്നു എന്നതാണ് ഇതിന്റെ പ്രത്യേകത.
നിങ്ങളെ എങ്ങനെ ബാധിക്കും?
പുതിയ പരിഷ്കാരം അനുസരിച്ച് ആകെയുള്ള തൊഴിൽ വിഭാഗങ്ങളിൽ മൂന്നിലൊന്നിനെയും ഈ മാറ്റം ബാധിക്കും. ചില പഴയ ജോലികൾ ഇല്ലാതാകുകയോ പുതിയവ കൂട്ടിച്ചേർക്കപ്പെടുകയോ ചെയ്യും. ചില തൊഴിലുകളെ രണ്ടായി വിഭജിക്കാനും സാധ്യതയുണ്ട്. ജോലിയുടെ പേര് മാറിയില്ലെങ്കിലും, ആ ജോലിയിൽ ചെയ്യേണ്ട കടമകളിലും (Duties) വിദ്യാഭ്യാസ യോഗ്യതകളിലും മാറ്റങ്ങൾ വരാം.
ഏറ്റവും കൂടുതൽ മാറ്റം വരുന്ന മേഖലകൾ
വിദ്യാഭ്യാസം, നിയമം, സാമൂഹിക സേവനം തുടങ്ങിയ മേഖലകളിലാണ് (BOC 4) ഏറ്റവും കൂടുതൽ മാറ്റങ്ങൾ പ്രഖ്യാപിച്ചിരിക്കുന്നത്. കൂടാതെ ഐടി, സയൻസ്, ഹെൽത്ത് കെയർ എന്നീ മേഖലകളിലും കാര്യമായ പരിഷ്കാരങ്ങൾ ഉണ്ടാകും.
ഉദ്യോഗാർത്ഥികൾ ശ്രദ്ധിക്കാൻ:
നിങ്ങളുടെ ജോലിയുടെ വെറും ‘ടൈറ്റിൽ’ നോക്കി മാത്രം അപേക്ഷിക്കരുത്. ചെയ്യുന്ന ജോലികൾ (Main Duties) പുതിയ NOC കോഡുമായി പൊരുത്തപ്പെടുന്നുണ്ടോ എന്ന് പരിശോധിക്കണം. തൊഴിലുടമയിൽ നിന്നുള്ള റെഫറൻസ് ലെറ്ററുകളിൽ നിങ്ങളുടെ ഉത്തരവാദിത്തങ്ങൾ വ്യക്തമായി രേഖപ്പെടുത്തണം. ഈ മാറ്റങ്ങൾ 2026 ഡിസംബറോടെ ഔദ്യോഗികമായി പുറത്തിറങ്ങുമെങ്കിലും, എക്സ്പ്രസ് എൻട്രി ഉൾപ്പെടെയുള്ള ഇമിഗ്രേഷൻ പ്രോഗ്രാമുകളിൽ ഇത് 2027-ഓടെ മാത്രമേ പൂർണ്ണമായി നടപ്പിലാക്കാൻ സാധ്യതയുള്ളൂ.
പുതിയ മാറ്റങ്ങൾ വരുന്നതോടെ പി.എൻ.പി (PNP) പോലെയുള്ള പ്രോഗ്രാമുകളിലെ ഇൻ-ഡിമാൻഡ് ജോലികളുടെ പട്ടികയിലും മാറ്റം വരാൻ സാധ്യതയുണ്ട്. അതിനാൽ ഇമിഗ്രേഷൻ നടപടികളുമായി മുന്നോട്ട് പോകുന്നവർ ഈ മാറ്റങ്ങൾ കൃത്യമായി നിരീക്ഷിക്കേണ്ടത് അനിവാര്യമാണ്.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Major New Canada NOC Code 2026 Changes Coming This Year
