ലാംബ്ടൺ കോളേജ് 30 മില്യൺ ഡോളറിന്റെ നഷ്ടം നേരിടുന്നു
കാനഡയിലെ പ്രമുഖ വിദ്യാഭ്യാസ സ്ഥാപനമായ ലാംബ്ടൺ കോളേജ് അന്താരാഷ്ട്ര വിദ്യാർത്ഥികളുടെ എണ്ണത്തിലുണ്ടായ കുറവ് മൂലം 30-35 മില്യൺ ഡോളറിന്റെ സാമ്പത്തിക നഷ്ടം നേരിടുന്നു. ഈ സാമ്പത്തിക പ്രതിസന്ധി സ്ഥാപനത്തിന്റെ പ്രവർത്തനങ്ങളെ ഗണ്യമായി ബാധിച്ചിട്ടുണ്ട്.
2024-ൽ കാനഡയുടെ ഫെഡറൽ സർക്കാർ രാജ്യത്തേക്കുള്ള പഠന അനുമതി പത്രങ്ങൾക്ക് (സ്റ്റഡി പെർമിറ്റ്) പരിധി നിശ്ചയിക്കുകയും ബിരുദാനന്തര ജോലി അനുമതി പദ്ധതിയിൽ (പോസ്റ്റ് ഗ്രാജുവേഷൻ വർക്ക് പെർമിറ്റ് പ്രോഗ്രാം) മാറ്റങ്ങൾ വരുത്തുകയും ചെയ്തതാണ് ഈ പ്രതിസന്ധിക്ക് കാരണം. ഇതിന്റെ ഫലമായി, അന്താരാഷ്ട്ര വിദ്യാർത്ഥികളുടെ പ്രവേശനത്തിൽ വലിയ ഇടിവുണ്ടായി.ഇതിനെ തുടർന്ന്, ലാംബ്ടൺ കോളേജ് ടൊറന്റോയിലും മിസിസോഗയിലുമുള്ള പൊതു-സ്വകാര്യ പങ്കാളിത്ത പദ്ധതികൾ താൽക്കാലികമായി നിർത്തിവയ്ക്കുകയും, പ്രധാനമായും അന്താരാഷ്ട്ര വിദ്യാർത്ഥികൾക്കായുള്ള 18 പഠന പരിപാടികളും ചെയ്തു.പ്രതിസന്ധി കാരണം 2025-2026 സാമ്പത്തിക വർഷത്തിൽ കോളേജ് ബജറ്റിൽ കുറവ് നേരിടും എന്നാണ് പ്രതീക്ഷിക്കുന്നത്. ഇത് കഴിഞ്ഞ 20 വർഷത്തിനിടയിലെ ആദ്യത്തേതാണ്. 2026 വർഷത്തോടെ അന്താരാഷ്ട്ര വിദ്യാർത്ഥികളുടെ എണ്ണത്തിൽ 50% കുറവുണ്ടാകുമെന്നാണ് കണക്കുകൾ സൂചിപ്പിക്കുന്നത്.
ലാംബ്ടൺ കോളേജ് ഇപ്പോൾ പ്രതിസന്ധിയെ നേരിടാനുള്ള നടപടികൾ സ്വീകരിച്ചുകൊണ്ടിരിക്കുകയാണ്. പ്രാദേശിക വിദ്യാർത്ഥികളുടെ പ്രവേശനം വർധിപ്പിക്കുന്നതിലൂടെയും, ചെലവുകൾ കുറയ്ക്കുന്നതിലൂടെയും, പുതിയ വരുമാന മാർഗങ്ങൾ കണ്ടെത്തുന്നതിലൂടെയും സ്ഥാപനം തങ്ങളുടെ സാമ്പത്തിക സ്ഥിതി മെച്ചപ്പെടുത്താൻ ശ്രമിക്കുന്നു.ഫെഡറൽ സർക്കാരിന്റെ നയങ്ങളും, അന്താരാഷ്ട്ര വിദ്യാർത്ഥി പ്രവേശനത്തിലെ മാറ്റങ്ങളും, ലാംബ്ടൺ കോളേജിനെയും മറ്റ് അനേകം കാനഡയൻ വിദ്യാഭ്യാസ സ്ഥാപനങ്ങളെയും എങ്ങനെ ബാധിക്കുന്നുവെന്ന് വരും മാസങ്ങളിൽ കൂടുതൽ വ്യക്തമാകും.
