കോട്ടയം/ഡബ്ലിൻ: അയർലൻഡിലെ ഡബ്ലിനിൽ താമസിക്കുന്ന വാകത്താനം സ്വദേശിയായ പ്രവാസി മലയാളി ജിബു പുന്നൂസ് (49) കോട്ടയത്തെ ഫ്ലാറ്റിൽ മരിച്ച നിലയിൽ. വാകത്താനം അണ്ണാൻകുന്ന് സിറ്റി പ്ലാസയിലെ സ്വന്തം ഫ്ലാറ്റിനുള്ളിലാണ് മൃതദേഹം കണ്ടെത്തിയത്. മൃതദേഹത്തിന് ഏകദേശം രണ്ട് ദിവസത്തെ പഴക്കമുണ്ടെന്ന് പോലീസ് അറിയിച്ചു.
കഴിഞ്ഞ ഒരു മാസമായി ജിബു ഫ്ലാറ്റിൽ ഒറ്റയ്ക്ക് താമസിച്ചുവരികയായിരുന്നു. കഴിഞ്ഞ ദിവസം അദ്ദേഹത്തെ ഫ്ലാറ്റിന് പുറത്ത് കാണാതിരുന്നതിനെ തുടർന്ന് ജീവനക്കാർ കോട്ടയം വെസ്റ്റ് പോലീസ് സ്റ്റേഷനിൽ വിവരമറിയിച്ചു. തുടർന്ന് പോലീസ് സ്ഥലത്തെത്തി നടത്തിയ പരിശോധനയിലാണ് വൈകുന്നേരം മൃതദേഹം കണ്ടെത്തിയത്.
പോസ്റ്റുമോർട്ടം നടപടികൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് കൈമാറി. ഹൃദയാഘാതമാണ് മരണകാരണമെന്നാണ് പോസ്റ്റുമോർട്ടം റിപ്പോർട്ടിൽ പറയുന്നത്.
വാകത്താനം പുല്ലുകാട്ടുപടി നടപ്പുറത്ത് പരേതനായ എൻ. സി. പുന്നൂസ്, ആനിയമ്മ പുന്നൂസ് (റിട്ട. അധ്യാപിക, എം.ടി. സെമിനാരി സ്കൂൾ, കോട്ടയം) ദമ്പതികളുടെ മകനാണ് ജിബു. ഭാര്യ: സന്ധ്യ. മക്കൾ: സാറ, ജുവാൻ. സഹോദരി: കോട്ടയം ഡെപ്യൂട്ടി കലക്ടറായ ജിനു പുന്നൂസ്. സഹോദരി ഭർത്താവ്: ജോൺ വർഗീസ് തിരുവല്ല (റിട്ട. തഹസിൽദാർ).
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
An Ireland Malayali, Jibu Punnoos, was found dead in his Kottayam flat
