കാനഡയിലെ ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) ഏറ്റവും പുതിയ പ്രോസസ്സിംഗ് ടൈം പുറത്തുവിട്ടു. കുടുംബങ്ങളെ ഒന്നിപ്പിക്കുന്നതിനുള്ള പദ്ധതികൾക്ക് മുൻഗണന നൽകുന്നതിന്റെ ഭാഗമായി മാതാപിതാക്കളെയും മുത്തശ്ശിമാരെയും സ്പോൺസർ ചെയ്യുന്ന (Parents and Grandparents Program) അപേക്ഷകളുടെ കാത്തിരിപ്പ് കാലാവധിയിൽ കുറവുണ്ടായിട്ടുണ്ട്. എന്നാൽ സ്റ്റഡി പെർമിറ്റുകളുടെയും വർക്ക് പെർമിറ്റുകളുടെയും കാര്യത്തിൽ സ്ഥിതി മറിച്ചാണ്.
കുടുംബാംഗങ്ങളെ കൊണ്ടുവരാൻ ഇനി വേഗത്തിൽ സാധിക്കും
ഫാമിലി സ്പോൺസർഷിപ്പ് വിഭാഗത്തിൽ, പ്രത്യേകിച്ച് ക്യുബെക്കിന് പുറത്ത് താമസിക്കാൻ ആഗ്രഹിക്കുന്ന മാതാപിതാക്കളുടെയും മുത്തശ്ശിമാരുടെയും അപേക്ഷകൾ പ്രോസസ്സ് ചെയ്യുന്ന കാലാവധിയിൽ രണ്ട് മാസത്തോളം കുറവുണ്ടായി. നിലവിൽ ഇത് 35 മാസമാണ്. ജീവിതപങ്കാളികളെ സ്പോൺസർ ചെയ്യുന്ന അപേക്ഷകളുടെ കാലാവധി മാറ്റമില്ലാതെ തുടരുന്നു.
സ്റ്റഡി, വർക്ക് പെർമിറ്റുകൾ: അപേക്ഷകളുടെ എണ്ണത്തിൽ വർദ്ധനവ്
വിദ്യാർത്ഥി വിസകൾക്കും വർക്ക് പെർമിറ്റുകൾക്കുമായി കാത്തിരിക്കുന്നവർക്ക് പ്രോസസ്സിംഗ് ടൈമിലെ വർദ്ധനവ് ചെറിയ തിരിച്ചടിയാണ്. ഇന്ത്യയിൽ നിന്നുള്ള സ്റ്റഡി പെർമിറ്റ് അപേക്ഷകൾക്ക് ഇപ്പോൾ ശരാശരി 4 ആഴ്ചയാണ് എടുക്കുന്നത്. പാകിസ്ഥാനിൽ നിന്നുള്ള വർക്ക് പെർമിറ്റ് അപേക്ഷകൾക്ക് 17 ആഴ്ചയുടെ വലിയ വർദ്ധനവാണ് ഉണ്ടായത്. ഇതിനർത്ഥം അപേക്ഷകളുടെ ബാഹുല്യം കാരണം തീരുമാനങ്ങൾ വരാൻ കൂടുതൽ സമയം എടുക്കുമെന്നാണ്.
എക്സ്പ്രസ് എൻട്രി അപേക്ഷകർ ശ്രദ്ധിക്കുക
കനേഡിയൻ എക്സ്പീരിയൻസ് ക്ലാസ് (CEC) വഴി പി.ആർ അപേക്ഷ നൽകിയവർക്ക് പ്രോസസ്സിംഗ് സമയം 6 മാസത്തിൽ നിന്നും 7 മാസമായി വർദ്ധിച്ചിട്ടുണ്ട്. അതേസമയം, ഫെഡറൽ സ്കിൽഡ് വർക്കർ പ്രോഗ്രാം (FSWP) വഴി അപേക്ഷിച്ചവർക്ക് 7 മാസം തന്നെ തുടരുന്നു. കാനഡയിലെ പൗരത്വത്തിനായുള്ള (Citizenship Grant) അപേക്ഷകൾക്ക് ഇപ്പോൾ 14 മാസമാണ് കാത്തിരിക്കേണ്ടി വരുന്നത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
IRCC’s February processing times
