വടക്കുപടിഞ്ഞാറൻ കാൽഗറിയിലെ ഒരു വീട് തീപിടിത്തത്തിൽ പൂർണ്ണമായും നശിച്ചു. ചൊവ്വാഴ്ച ബൗഡെയ്ൽ ക്രസന്റ് NW-ലെ 0-100 ബ്ലോക്കിലാണ് സംഭവം. 16 അവന്യൂ NW, സാർസി ട്രെയിൽ NW എന്നിവയ്ക്ക് സമീപമാണ് തീപിടിത്തമുണ്ടായതെന്ന് അഗ്നിശമന സേന കണ്ടെത്തി. പ്രദേശത്ത് വെള്ളത്തിന്റെ ലഭ്യത കുറവായതിനാൽ തീ അണയ്ക്കുന്നത് സേനയ്ക്ക് വളരെ പ്രയാസമായി.
ഇത് കണക്കിലെടുത്ത് ഉച്ചയ്ക്ക് 2 മണിയോടെ അഗ്നിശമന സേന സ്പ്രിംഗ്ബാങ്കിൽ നിന്നും റോക്കി വ്യൂ കൗണ്ടിയിൽ നിന്നും സഹായം അഭ്യർത്ഥിച്ചു. ഉച്ചയ്ക്ക് 2:15 ഓടെയാണ് ഇ.എം.എസ് സഹായത്തിനായി എത്തിയത്. അഗ്നിശമന വകുപ്പ് തങ്ങളുടെ സോഷ്യൽ മീഡിയ പേജിൽ ഈ സംഭവത്തെക്കുറിച്ച് പോസ്റ്റ് ചെയ്തു. ഈ ആഴ്ചയിലെ രണ്ടാമത്തെ തീപിടുത്തമാണിത്. ഈ ജോലി എത്രത്തോളം ശ്രമകരവും പ്രവചനാതീതവുമാകുമെന്നതിന്റെ ഓർമ്മപ്പെടുത്തലാണിതെന്ന് സേന സോഷ്യൽ മീഡിയയിൽ കുറിച്ചു.
എല്ലാ കാൽഗേറിയൻ പൗരന്മാരോടും തങ്ങൾ അഭ്യർത്ഥിക്കുന്നുവെന്നും, അഗ്നിശമന സേനാംഗങ്ങൾക്ക് സുരക്ഷിതമായി പ്രവർത്തിക്കാൻ ഇടം നൽകുകയും പ്രദേശത്ത് ജാഗ്രത പാലിക്കുകയും വേണം. സാധ്യമെങ്കിൽ സംഭവസ്ഥലം ഒഴിഞ്ഞ് മാറി നിൽക്കാനും അവർ ആവശ്യപ്പെട്ടു. നിങ്ങളുടെ പിന്തുണ ജോലി സുരക്ഷിതമായും കാര്യക്ഷമമായും പൂർത്തിയാക്കാൻ തങ്ങളെ സഹായിക്കുന്നുവെന്ന് അവർ സോഷ്യൽ മീഡിയയിൽ കൂട്ടിച്ചേർത്തു. ഈ സമയം വരെ പരിക്കുകളൊന്നും റിപ്പോർട്ട് ചെയ്യപ്പെട്ടിട്ടില്ല. തീ അണയ്ക്കാനുള്ള ശ്രമങ്ങൾ ഉച്ചയ്ക്ക് 3:30 വരെ തുടർന്നു.
