വിനിപെഗിലെ മാനിറ്റോ അബീ ഫെസ്റ്റിൽ ഇരുപത് വർഷത്തെ ചരിത്രത്തിൽ ആദ്യമായി കാനഡ പൗരത്വ ചടങ്ങ് നടന്നു. റെഡ് റിവർ പാർക്കിൽ വച്ച് നടന്ന ഈ ചടങ്ങിൽ 43 പുതിയ കുടിയേറ്റക്കാർ കാനഡയുടെ പൗരത്വം നേടി. കാനഡയുടെ ആദ്യത്തെ മെറ്റീസ് (ഇൻഡിജീനസ് വംശജ) പൗരത്വ ജഡ്ജിയായ സുസാൻ കാരിയർ പുതിയ പൗരന്മാർക്ക് സത്യവാചകം ചൊല്ലിക്കൊടുത്തു.
ഇൻഡിജീനസ് സംസ്കാരങ്ങളുടെ ആഘോഷത്തിനിടയിൽ നടന്ന ഈ ചടങ്ങിൽ പുതിയ പൗരന്മാരെ ഇൻഡിജീനസ് നേതാക്കളും ഫെസ്റ്റ് ആഘോഷിക്കുന്നവരും സ്നേഹത്തോടെ സ്വീകരിച്ചു. “യഥാർത്ഥ കാനഡ അനുഭവം” എന്ന് ഫെസ്റ്റ് കമ്മിറ്റി തലവൻ ഡേവിഡ് ഡാൻഡെനോ വിശേഷിപ്പിച്ച ഈ ചടങ്ങ് ഒരുമയിലേക്കും പരസ്പര ധാരണയിലേക്കുമുള്ള ശക്തമായ നീക്കമാണെന്നും അദ്ദേഹം കൂട്ടിച്ചേർത്തു. പരമ്പരാഗത ഡ്രമ്മുകളുടെ ശബ്ദവും നിറമുള്ള വേഷങ്ങളിൽ നൃത്തം ചെയ്യുന്ന കലാകാരന്മാരും ചടങ്ങിന് മാറ്റ് കൂട്ടി.
ADVERTISEMENT
