1936-ൽ നിർമ്മിച്ച സെയിന്റ്സ് പീറ്റർ ആൻഡ് പോൾ റോമൻ കാത്തലിക് പള്ളി നിലവിൽ വിൽപ്പനയ്ക്ക് എത്തി. വിന്നിപെഗിൽ നിന്ന് ഏകദേശം 70 കിലോമീറ്റർ വടക്കുകിഴക്കായി, മാനിറ്റോബയിലെ മാൻ, ലേഡിവുഡിലാണിത് സ്ഥിതിചെയ്യുന്നത്. റിയൽ എസ്റ്റേറ്റ് ലിസ്റ്റിംഗ് അനുസരിച്ച്, “ഒരു മുൻ ചരിത്ര പള്ളി സ്വന്തമാക്കാനുള്ള അപൂർവ അവസരമാണ് ഇത് വാങ്ങുന്നവർക്ക് ലഭിക്കാൻ പോവുന്നത്..
മുമ്പ് സെയിന്റ്സ് പീറ്റർ ആൻഡ് പോൾ റോമൻ കാത്തലിക് ചർച്ച് എന്നറിയപ്പെട്ടിരുന്ന ഈ കെട്ടിടം മാനിറ്റോബ ഹിസ്റ്റോറിക്കൽ സൊസൈറ്റിയുടെ ഓൺലൈൻ രജിസ്ട്രിയിൽ ഒരു ചരിത്ര സ്ഥലമായി പട്ടികപ്പെടുത്തിയിട്ടുള്ളതാണ്. 2,692 ചതുരശ്ര അടി വിസ്തീർണ്ണമുള്ള ബംഗ്ലാവിന് 230,000 ഡോളറാണ് വില. ഏകദേശം ഒരു ഏക്കറിൽ സ്ഥിതി ചെയ്യുന്ന ഈ ബംഗ്ലാവിൽ ഒരു കിടപ്പുമുറിയും ഒരു കുളിമുറിയും ഉൾപ്പെടുത്തിയിട്ടുണ്ട്.
ഈ മുൻ പള്ളി കെട്ടിടത്തിൽ സമീപകാലത്ത് നിരവധി നവീകരണങ്ങൾ നടന്നു. ഇരട്ട സ്റ്റഡ് ഭിത്തികൾ, ഇൻസുലേഷൻ, ഡ്രൈവ്വാൾ, പുതിയ ജനാലകൾ, ഇലക്ട്രിക്കൽ പാനൽ, മെറ്റൽ മേൽക്കൂര എന്നിവ ഇതിൽ ഉൾപ്പെടുന്നു. തടികൊണ്ടുള്ള തറകൾ, ഇലക്ട്രിക് ചൂള, സെപ്റ്റിക് ഹോൾഡിംഗ് ടാങ്ക്, കിണർ എന്നിവയും ഈ 2,692 ചതുരശ്ര അടി വിസ്തീർണ്ണമുള്ള കെട്ടിടത്തിന്റെ പ്രത്യേകതകളാണ്.
മാനിറ്റോബ ഹിസ്റ്റോറിക്കൽ സൊസൈറ്റിയുടെ ഓൺലൈൻ രജിസ്ട്രിയിൽ പട്ടികപ്പെടുത്തിയിരിക്കുന്ന ഈ പള്ളി ഭവനം, ചരിത്രസ്മരണകൾ ഇഷ്ടപ്പെടുന്നവരെ കൂടുതൽ പ്രിയപ്പെട്ടതാക്കും എന്ന കാര്യത്തിൽ സംശയം വേണ്ട..
