ഹാലിഫാക്സ്: മേഖലയിൽ മഞ്ഞുവീഴ്ച ശക്തമായി തുടരുന്ന പശ്ചാത്തലത്തിൽ വിന്റർ പാർക്കിംഗ് നിരോധനം മാറ്റമില്ലാതെ തുടരുമെന്ന് അധികൃതർ അറിയിച്ചു. ചൊവ്വാഴ്ച രാവിലെ വരെ മഞ്ഞുവീഴ്ച തുടരുമെന്ന പ്രവചനത്തെ തുടർന്നാണ് ഹാലിഫാക്സ് റീജിനൽ മുനിസിപ്പാലിറ്റിയുടെ ഈ നടപടി. മഞ്ഞ് നീക്കം ചെയ്യുന്ന പ്രവൃത്തികൾ സുഗമമാക്കുന്നതിനായി പുലർച്ചെ 1 മണി മുതൽ 6 മണി വരെ തെരുവുകളിൽ വാഹനങ്ങൾ പാർക്ക് ചെയ്യുന്നത് കർശനമായി നിരോധിച്ചിട്ടുണ്ട്.
നിശ്ചിത സമയങ്ങളിൽ വാഹനങ്ങൾ മുനിസിപ്പൽ തെരുവുകളിൽ നിന്ന് മാറ്റിയിടണമെന്ന് അധികൃതർ പറയുന്നു. രാത്രിയിലെ ശൈത്യകാല പാർക്കിംഗ് നിരോധനം നിലവിലുണ്ടെങ്കിലും ഇല്ലെങ്കിലും, നിരോധനം ലംഘിച്ച് പാർക്ക് ചെയ്യുന്ന വാഹനങ്ങൾക്കെതിരെ കർശന നടപടിയുണ്ടാകും. ഇത്തരം വാഹനങ്ങൾക്ക് വലിയ തുക പിഴ ചുമത്തുന്നതിനോ അല്ലെങ്കിൽ അവ ക്രയിൻ ഉപയോഗിച്ച് സംഭവസ്ഥലത്തുനിന്ന് നീക്കം ചെയ്യുന്നതിനോ സാധ്യതയുണ്ട്. ഇതിനുണ്ടാകുന്ന ചിലവ് വാഹന ഉടമകൾ തന്നെ വഹിക്കേണ്ടി വരും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Heavy snow in Halifax: Winter parking ban extended
