വടക്കുപടിഞ്ഞാറൻ പ്രദേശങ്ങളിലെ (N.W.T) സർക്കാർ പ്രാദേശിക വജ്ര ഖനന വ്യവസായത്തിനായി സാമ്പത്തിക ആശ്വാസ നടപടികളുടെ ഒരു പാക്കേജ് പ്രഖ്യാപിച്ചു. ആഗോള വജ്ര വിലയിലുണ്ടായ ഇടിവ്, സപ്ലൈ ചെയിൻ തടസ്സങ്ങൾ, അമേരിക്കയുടെ താരിഫ് ഭീഷണി എന്നിവ മൂലം കടുത്ത പ്രതിസന്ധി നേരിടുന്ന മേഖലയ്ക്കാണ് സഹായം എത്തുന്നത്.
N.W.T-യിലെ വജ്ര ഖനികൾക്ക് താൽക്കാലിക വസ്തു നികുതി കുറവ് അനുവദിക്കുന്നതിനൊപ്പം, Ekati, Gahcho Kue എന്നീ ഖനികൾക്ക് ഹരിത പദ്ധതികൾക്കായി നീക്കിവച്ചിരുന്ന 4 മില്യൺ ഡോളർ പൊതു പ്രവർത്തനങ്ങൾക്കായി ഉപയോഗിക്കാനുള്ള അനുമതിയും നൽകി. കൂടാതെ, വജ്രങ്ങൾ വിപണിയിലെത്തുന്നത് വേഗത്തിലാക്കുന്നതിനായി പ്രാദേശിക വജ്ര മൂല്യനിർണയങ്ങൾ ഇരട്ടിയാക്കുകയും ചെയ്തു.
ഖനനമേഖല N.W.T-യിലെ GDP-യുടെ അഞ്ചിൽ ഒരുഭാഗം സംഭാവന ചെയ്യുന്നു.
എന്നാൽ പ്രവർത്തിക്കുന്ന മൂന്ന് വജ്ര ഖനികളുടെയും നഷ്ടം 2024-ൽ റിപ്പോർട്ട് ചെയ്തു. ഖനികൾ നേരത്തെ അടച്ചുപൂട്ടേണ്ടി വന്നാൽ വൻതോതിലുള്ള തൊഴിൽ നഷ്ടവും പ്രാദേശിക സമ്പദ്വ്യവസ്ഥയ്ക്ക് ഹാനിയും ഉണ്ടാകുമെന്ന് വിദഗ്ധർ മുന്നറിയിപ്പ് നൽകിയിരുന്നു.
“വ്യവസായ നേതാക്കളും തദ്ദേശീയ വികസന കോർപ്പറേഷനുകളും ഉന്നയിച്ച അടിയന്തര സാമ്പത്തിക ആശങ്കകൾക്ക് ഈ നടപടികൾ നേരിട്ട് പ്രതികരിക്കുന്നു. കാര്യമായ നടപടികളില്ലാതെ പോയാൽ വടക്കൻ തൊഴിലുകളിലും സമൂഹ സ്ഥിരതയിലും വ്യക്തമായ അപകടസാധ്യത നിലനിൽക്കുന്നുണ്ട്,” എന്ന് എൻ.ഡബ്ല്യു.ടി. സർക്കാർ അവരുടെ പ്രസ്താവനയിൽ അറിയിച്ചു.
