ജൂൺ 15 മുതൽ 17 വരെ കനനാസ്കിസിൽ നടക്കുന്ന G7 ഉച്ചകോടിക്ക് മുന്നോടിയായി കാൽഗറി വിമാനത്താവളത്തിൽ നിയന്ത്രണങ്ങൾ വരുന്നു. ജി7 പ്രതിനിധികൾക്കും ലോക നേതാക്കൾക്കും എത്തുന്നതിന്റെ മുൻകരുതൽ എന്ന നിലയിൽ, ജൂൺ 15 ഞായറാഴ്ച പുലർച്ചെ 1 മണി മുതൽ ജൂൺ 18 ബുധനാഴ്ച വരെ എയർപോർട്ട് ട്രെയിൽ നോർത്ത് ഈസ്റ്റിലെ തുരങ്കം അടച്ചിടും.നഗരത്തിന്റെ കിഴക്കുഭാഗത്തു നിന്ന് YYC വിമാനത്താവളത്തിലേക്ക് വരുന്ന ആളുകൾക്ക്, കൺട്രി ഹിൽസ് ബൊളിവാർഡ് NE മുതൽ ബാർലോ ട്രെയിൽ NE വരെ ഒരു ബദൽ റൂട്ടായി ഉപയോഗിക്കണമെന്ന് പൊലീസ് അറിയിച്ചു. ഡീർഫൂട്ട് ട്രെയിൽ NE മുതൽ ബാർലോ ട്രെയിൽ NE വരെ എയർപോർട്ട് ട്രെയിൽ NE തുറന്നിരിക്കും. അതേസമയം, 19 സ്ട്രീറ്റ് NE മുതൽ പടിഞ്ഞാറോട്ട് പോകുന്ന എയർപോർട്ട് ട്രെയിൽ NE വരെയുള്ള ഓഫ്-റാമ്പ് ഈ കാലയളവിൽ അടച്ചിടും.
ജൂൺ 14 മുതൽ 18 വരെ വിമാനത്താവളത്തിൽ എത്തുമ്പോൾ വാഹനങ്ങൾ വിമാനത്താവള പരിസരത്ത് നിർത്താനോ പാർക്ക് ചെയ്യാനോ അനുവാദമില്ല. മക്കോൾ വേയുടെ വടക്കേ അറ്റത്ത് ജീവനക്കാർക്കും ബിസിനസ്സ് ഗതാഗതത്തിനും മാത്രമായി പരിമിതപ്പെടുത്തും. വിമാനത്താവളത്തിൽ ഒരു സുരക്ഷാ ചെക്ക്പോയിന്റ് പ്രാബല്യത്തിൽ വരുമെന്ന് പൊലീസ് അറിയിച്ചു.
