മാതേസൺ കാനഡക്ക് സമ്മാനിച്ച അഭിമാനം
കാനഡയിലെ വനിതാ ഫുട്ബോൾ രംഗത്ത് പുതിയൊരു അധ്യായം തുടങ്ങിയിരിക്കുകയാണ്. നോർത്തേൺ സൂപ്പർ ലീഗ് (NSL) എന്ന പുതിയ പ്രൊഫഷണൽ വനിതാ ഫുട്ബോൾ ലീഗ് കാനഡയിൽ പിറവിയെടുത്തിരിക്കുന്നു. ലണ്ടനിൽ ലഭിച്ച വെങ്കല മെഡലിൽ നിന്നും തുടങ്ങിയ ഈ സ്വപ്നം ഇന്ന് ആറ് ടീമുകളോടെ യാഥാർഥ്യമായിരിക്കുന്നു.
“ഞങ്ങൾ നമ്മുടെ നാട്ടിൽ തന്നെ നിക്ഷേപം നടത്തുന്നു. കാനഡയുടെ ഭാവിയിൽ ഞങ്ങൾ വിശ്വസിക്കുന്നു,”എന്ന് മാതേസൺ പറഞ്ഞു. ഈ സംരംഭം വെറുമൊരു കായിക ലീഗിന് അപ്പുറം, രാജ്യത്തിന്റെ സാധ്യതകളിലും, യുവ കളിക്കാരിലും, കാണികളിലുമുള്ള വിശ്വാസത്തിൽ അടിസ്ഥാനമാക്കിയുള്ളതാണ്.നോർത്തേൺ സൂപ്പർ ലീഗിന്റെ കഥ ഇപ്പോഴും തുടക്കത്തിലാണെങ്കിലും, അതിന്റെ ലക്ഷ്യം വ്യക്തമാണ്.
കാനഡയിലെ എല്ലാ ഭാഗങ്ങളിലുമുള്ള പെൺകുട്ടികൾക്ക് അവർക്കായി ഒരുക്കിയ വേദി ഉണ്ടെന്ന് അറിയാനുള്ള അവസരമാണിത്. ആറ് പ്രൊഫഷണൽ ടീമുകളും, ആരാധകർ നിറഞ്ഞ കളിക്കളങ്ങളും, നിരാശയ്ക്കു പകരം പ്രതീക്ഷയോടെ വളരുന്ന പെൺകുട്ടികളും മാതേസൺ തന്റെ സ്വപ്നത്തെ ദേശീയ പദ്ധതിയാക്കി മാറ്റിയിരിക്കുന്നു.
യഥാർത്ഥ മാറ്റം തുടങ്ങുന്നത് ഒരു അവസാന രേഖയിൽ നിന്നല്ല, മറിച്ച് ഒരു കിക്കോഫിൽ നിന്നാണ്. നോർത്തേൺ സൂപ്പർ ലീഗ് കാനഡയിലെ വനിതാ ഫുട്ബോളിന്റെ ഭാവി തിളങ്ങുന്നതാക്കി മാറ്റുന്നു.
