തണ്ടർ ബേ നഗരസഭ അടുത്ത മാസം ഒരു പുതിയ പാർക്കിംഗ് നിർദ്ദേശം ചർച്ച ചെയ്യുമെന്ന് പ്രഖ്യാപിച്ചിരിക്കുന്നു. നഗരം മുഴുവനായി തെരുവോര മീറ്റർ പാർക്കിംഗ് സ്ഥലങ്ങളിൽ രണ്ട് മണിക്കൂർ സൗജന്യ പാർക്കിംഗ് അനുവദിക്കാനാണ് ഈ നിർദേശത്തിന്റെ ലക്ഷ്യം.നഗരസഭ മേയ് 26-ന് ചേരുന്ന യോഗത്തിൽ ഈ നിർദേശം ഔദ്യോഗികമായി അവതരിപ്പിക്കപ്പെടും. തുടർന്ന്, കൗൺസിലർമാർ ഇത് സംബന്ധിച്ച് വിശദമായ ചർച്ച നടത്തി വോട്ടെടുപ്പ് നടത്തും.നഗരത്തെ വ്യാപാരമേഖലകൾ പ്രതിനിധീകരിക്കുന്ന കൗൺസിലർമാർ ഇതിനോടകം തന്നെ ഈ നീക്കത്തിന് പിന്തുണ പ്രഖ്യാപിച്ചിരിക്കുന്നു.
നഗരസഭയിലെ പുതിയ പാർക്കിംഗ് പദ്ധതി അനുസരിച്ച്, തണ്ടർ ബേയിലെ നഗരവാസികൾക്കും സന്ദർശകർക്കും തെരുവോര മീറ്റർ പാർക്കിംഗ് സ്ഥലങ്ങളിൽ രണ്ട് മണിക്കൂർ സൗജന്യമായി പാർക്ക് ചെയ്യാനുള്ള അവസരം നൽകും.സൗജന്യ സമയത്തിനു ശേഷം, ഉപയോക്താക്കൾക്ക് രണ്ട് മണിക്കൂർ അധികമായി വരുകയാണെകിൽ പണം നൽകി പാർക്കിംഗ് സമയം നീട്ടാൻ സാധിക്കും.ഈ മാറ്റം നഗരത്തിലെ പ്രാദേശിക വ്യാപാരമേഖലകൾക്ക് ഗുണകരമാകുമെന്ന് കൗൺസിലർ ആൻഡ്രൂ ഫൗൾഡ്സ് അഭിപ്രായപ്പെട്ടു. നഗര കേന്ദ്രങ്ങളിലെ സാധാരണ സന്ദർശന സമയത്തെ ഈ പദ്ധതി കൂടുതൽ യാഥാർത്ഥ്യപരമായി പ്രതിഫലിപ്പിക്കുന്നതാണെന്നും അദ്ദേഹം കൂട്ടിച്ചേർത്തു.
നഗര ഉദ്യോഗസ്ഥർ അവതരിപ്പിച്ച പാർക്കിംഗ് നിർദ്ദേശം വിവിധ ലക്ഷ്യങ്ങൾ കൈവരിക്കാൻ ഉദ്ദേശിക്കുന്നതാണെന്ന് വ്യക്തമാക്കുന്നു.പാർക്കിംഗുമായി ബന്ധപ്പെട്ട മുൻവിധികളിൽ ജനങ്ങളിലുണ്ടായ അതൃപ്തികൾ പരിഹരിക്കുകയാണ് പ്രധാന ഉദ്ദേശ്യം. കൂടാതെ, നിലവിലെ പാർക്കിംഗ് ആവശ്യകതയെക്കുറിച്ച് കൂടുതൽ വിശദമായ ഡാറ്റ ശേഖരിക്കലും പദ്ധതി ലക്ഷ്യമിടുന്നുണ്ട്.
അംഗീകരിക്കപ്പെട്ടാൽ, ഈ വിപുലീകരിച്ച പരീക്ഷണ കാലയളവിൽ നിന്നുള്ള കണ്ടെത്തലുകളെ ആശ്രയിച്ച്, നഗരം ഭാവിയിൽ സമയാധിഷ്ഠിത വിലനിർണ്ണയം അല്ലെങ്കിൽ പ്രദേശാധിഷ്ഠിത നിരക്കുകൾ പോലുള്ള പരിഷ്കരണങ്ങൾ പരിഗണിച്ചേക്കാം.
