കേരളത്തിലെ വിനോദസഞ്ചാര മേഖലകളിൽ വിദേശികളെയും സ്വദേശികളെയും ആകർഷിക്കാൻ ലക്ഷ്യമിട്ട്, പഞ്ചനക്ഷത്ര കള്ള് ഷാപ്പുകൾ വരുന്നു. ഇതിനായി ടോഡി ബോർഡ് താൽപര്യ പത്രം ക്ഷണിച്ചു. സർക്കാർ ടൂറിസം മേഖലകളായി പ്രഖ്യാപിച്ച സ്ഥലങ്ങളിലായിരിക്കും ഈ പദ്ധതി നടപ്പിലാക്കുക.
ഫോർ സ്റ്റാർ, ഫൈവ് സ്റ്റാർ പദവികളാണ് ഈ കള്ള് ഷാപ്പുകൾക്ക് നൽകാൻ ഉദ്ദേശിക്കുന്നത്.നിലവിലുള്ള കള്ള് ഷാപ്പുകൾ നടത്തുന്നവർക്ക് ഈ പദ്ധതിയിൽ മുൻഗണന ലഭിക്കും.ഷാപ്പും റെസ്റ്റോറന്റും വെവ്വേറെയായി പ്രവർത്തിക്കും. വിദേശികൾക്കും സ്വദേശികൾക്കും ഇഷ്ടപ്പെടുന്ന തരം ഭക്ഷണങ്ങൾ ലഭ്യമാക്കും. ഓരോ ഷാപ്പിനും വേണ്ട ഇരിപ്പിടങ്ങൾ, സ്ഥലസൗകര്യങ്ങൾ തുടങ്ങിയ കാര്യങ്ങൾ വിജ്ഞാപനത്തിൽ വിശദീകരിച്ചിട്ടുണ്ട്.
കഴിഞ്ഞ മദ്യ നയത്തിന്റെ അടിസ്ഥാനത്തിലാണ് ഈ പുതിയ വിജ്ഞാപനം ഇറക്കിയിരിക്കുന്നത്. ഇത് കേരളത്തിലെ കള്ള് വ്യവസായത്തിന് പുതിയ ഉണർവ് നൽകുമെന്നാണ് പ്രതീക്ഷിക്കുന്നത്.
Five-star toddy shops coming up in kerala
