കാനഡയിലെ മുതിർന്ന പൗരന്മാർക്ക് ആശ്വാസമായി 2026-ലെ ആദ്യ ഓൾഡ് ഏജ് സെക്യൂരിറ്റി (OAS) പേയ്മെന്റുകൾ ജനുവരി 28-ന് വിതരണം ചെയ്യും. ജനുവരി മുതൽ മാർച്ച് വരെയുള്ള പുതിയ ക്വാർട്ടറിലേക്ക് 0.3 ശതമാനം വർദ്ധനവാണ് രേഖപ്പെടുത്തിയിരിക്കുന്നത്. കഴിഞ്ഞ വർഷത്തെ ഇതേ കാലയളവുമായി താരതമ്യം ചെയ്യുമ്പോൾ ആകെ 2.0 ശതമാനം വർദ്ധനവാണ് പെൻഷൻ തുകയിൽ ഉണ്ടായിരിക്കുന്നത്.
കാനഡ പെൻഷൻ പ്ലാനിൽ (CPP) നിന്നും വ്യത്യസ്തമായി, ഓരോ മൂന്ന് മാസം കൂടുമ്പോഴുമാണ് (ജനുവരി, ഏപ്രിൽ, ജൂലൈ, ഒക്ടോബർ) ഒ.എ.എസ് തുക പരിഷ്കരിക്കുന്നത്. പണപ്പെരുപ്പത്തിനനുസരിച്ചാണ് (CPI) ഈ മാറ്റം വരുത്തുന്നത്. എന്നാൽ പണപ്പെരുപ്പം കുറഞ്ഞാലും പെൻഷൻ തുക കുറയ്ക്കില്ല എന്ന പ്രത്യേകതയും ഇതിനുണ്ട്.
പുതിയ നിരക്ക് പ്രകാരം 65 മുതൽ 74 വയസ്സ് വരെയുള്ളവർക്ക് പരമാവധി 742.31 ഡോളറും, 75 വയസ്സിന് മുകളിലുള്ളവർക്ക് 816.54 ഡോളറും പ്രതിമാസം ലഭിക്കാം. ഗുണഭോക്താക്കൾ കാനഡയിൽ താമസിച്ച കാലാവധി അനുസരിച്ചായിരിക്കും ഈ തുകയിൽ മാറ്റം വരിക. 40 വർഷം കാനഡയിൽ താമസിച്ചവർക്ക് മുഴുവൻ തുകയും, കുറഞ്ഞ കാലയളവ് താമസിച്ചവർക്ക് ഭാഗികമായ പെൻഷനുമാണ് ലഭിക്കുക.
ജി.ഐ.എസ് (GIS), അലവൻസ് തുടങ്ങിയ മറ്റ് ആനുകൂല്യങ്ങൾ ലഭിക്കുന്നവർക്കും ഈ മാസം തുകയിൽ മാറ്റങ്ങൾ പ്രതീക്ഷിക്കാം. നേരിട്ടുള്ള ബാങ്ക് നിക്ഷേപം വഴി ജനുവരി 28-ന് തന്നെ തുക ലഭ്യമാകും. നിങ്ങളുടെ കൃത്യമായ തുക അറിയാൻ ‘My Service Canada’ അക്കൗണ്ട് പരിശോധിക്കാവുന്നതാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
First OAS Payment Of 2026 Coming On January 28, With An Increase
