ഒട്ടാവ: എക്സ്പ്രസ് എൻട്രി സംവിധാനത്തിലൂടെ കാനഡയിലേക്ക് കൂടുതൽ ഉദ്യോഗാർത്ഥികളെ ക്ഷണിച്ചുകൊണ്ട് ഇമിഗ്രേഷൻ വിഭാഗം (IRCC) പുതിയ നറുക്കെടുപ്പ് ഫലം പുറത്തുവിട്ടു. പ്രൊവിൻഷ്യൽ നോമിനി പ്രോഗ്രാം (PNP) വിഭാഗത്തിൽപ്പെട്ട 362 ഉദ്യോഗാർത്ഥികൾക്കാണ് ഇത്തവണ ഇൻവിറ്റേഷൻ ലഭിച്ചത്. ഈ വർഷത്തെ പതിനഞ്ചാമത്തെയും പിഎൻപി വിഭാഗത്തിലെ ആറാമത്തെയും എക്സ്പ്രസ് എൻട്രി നറുക്കെടുപ്പാണിത്.
മാർച്ച് 16ന് നടന്ന നറുക്കെടുപ്പിൽ പരിഗണിക്കപ്പെടുന്നതിനായി ഉദ്യോഗാർത്ഥികൾക്ക് കുറഞ്ഞത് 742 സിആർഎസ് (CRS) സ്കോർ ആവശ്യമായിരുന്നു. കാനഡയിൽ താമസിക്കുന്നവർക്കും പ്രൊവിൻഷ്യൽ നോമിനേഷൻ ലഭിച്ചവർക്കും മുൻഗണന നൽകുന്ന രീതിയാണ് 2026-ന്റെ തുടക്കം മുതൽ ഇമിഗ്രേഷൻ വകുപ്പ് പിന്തുടരുന്നത്. കഴിഞ്ഞ വർഷം ഒക്ടോബർ 5-ന് മുൻപ് പ്രൊഫൈൽ രജിസ്റ്റർ ചെയ്തവർക്കാണ് ഇത്തവണ അവസരം ലഭിച്ചത്.
2026-ൽ ഇതുവരെ വിവിധ വിഭാഗങ്ങളിലായി 45,604 ഇൻവിറ്റേഷനുകളാണ് IRCC നൽകിയിരിക്കുന്നത്. ഇതിൽ ഏറ്റവും കൂടുതൽ അവസരം ലഭിച്ചത് കനേഡിയൻ എക്സ്പീരിയൻസ് ക്ലാസ് (CEC), ഫ്രഞ്ച് ഭാഷാ പ്രാവീണ്യമുള്ളവർ എന്നീ വിഭാഗങ്ങൾക്കാണ്. ഹെൽത്ത് കെയർ, സോഷ്യൽ സർവീസ്, സീനിയർ മാനേജർമാർ തുടങ്ങിയ മേഖലകളിലുള്ളവർക്കും ഈ വർഷം മുൻഗണന ലഭിച്ചിട്ടുണ്ട്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Express entry PNP Draw March 16,2026
