കാനഡയിൽ സ്ഥിരതാമസം (PR) ആഗ്രഹിക്കുന്നവർക്ക് വലിയ ആശ്വാസം നൽകിക്കൊണ്ട് എക്സ്പ്രസ് എൻട്രിയിലെ ഈ വർഷത്തെ ഏറ്റവും വലിയ നറുക്കെടുപ്പ് ഫലം ഇമിഗ്രേഷൻ വിഭാഗം (IRCC) പുറത്തുവിട്ടു. 2026 ഫെബ്രുവരി 6-ന് നടന്ന നറുക്കെടുപ്പിൽ ഫ്രഞ്ച് ഭാഷാ പ്രാവീണ്യം (French Language Proficiency) ഉള്ള 8,500 ഉദ്യോഗാർത്ഥികൾക്കാണ് കാനഡയിൽ സ്ഥിരതാമസത്തിന് അപേക്ഷിക്കാൻ ക്ഷണം (ITA) ലഭിച്ചത്.
ക്യുബെക്കിന് പുറത്തുള്ള കനേഡിയൻ പ്രവിശ്യകളിൽ ഫ്രഞ്ച് സംസാരിക്കുന്നവരുടെ സാന്നിധ്യം വർദ്ധിപ്പിക്കുക എന്ന ലക്ഷ്യത്തോടെയാണ് IRCC ഈ പ്രത്യേക നറുക്കെടുപ്പ് നടത്തിയത്. വിദഗ്ദ്ധ തൊഴിലാളികളുടെ കുറവ് പരിഹരിക്കുന്നതിനായി 2023 മുതൽ ആരംഭിച്ച കാറ്റഗറി അധിഷ്ഠിത നറുക്കെടുപ്പുകൾക്ക് (Category-based draws) നിലവിൽ വലിയ പ്രാധാന്യമാണ് കാനഡ നൽകുന്നത്. ഇതിൽ മൊത്തത്തിലുള്ള സി.ആർ.എസ് സ്കോറിനേക്കാൾ ഉപരിയായി ഭാഷാ വൈദഗ്ധ്യം, പ്രവൃത്തിപരിചയം തുടങ്ങിയ ഘടകങ്ങൾക്കാണ് മുൻഗണന ലഭിക്കുന്നത്.
കഴിഞ്ഞ വർഷങ്ങളിലെ സ്കോർ നിലവാരത്തെ അപേക്ഷിച്ച് സി.ആർ.എസ് സ്കോർ 400-ലേക്ക് താഴ്ന്നത് ഉദ്യോഗാർത്ഥികൾക്ക് വലിയ പ്രതീക്ഷയാണ് നൽകുന്നത്. ഫ്രഞ്ച് ഭാഷാ പഠനത്തിലൂടെ കാനഡ കുടിയേറ്റം കൂടുതൽ എളുപ്പമാക്കാൻ സാധിക്കുമെന്ന് ഈ മേഖലയിലെ ഇമിഗ്രേഷൻ വിദഗ്ധർ വിലയിരുത്തുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Express Entry Francophone Draw; Here are the details of the latest draw held on February 6.
