ഒന്റാരിയോ : ഒന്റാരിയോയിൽ എഗ്ലിന്റൺ ക്രോസ്ടൗൺ വെസ്റ്റ് എക്സ്റ്റൻഷന്റെ അവസാന ഘട്ട തുരങ്കനിർമ്മാണം ആരംഭിച്ചതായി അധികൃതർ അറിയിച്ചു. എന്നാൽ 2020-ൽ പൂർത്തിയാക്കാൻ ലക്ഷ്യമിട്ട പ്രധാന എഗ്ലിന്റൺ ക്രോസ്ടൗൺ എൽആർടി പദ്ധതിയുടെ ഉദ്ഘാടന തീയതി ഇപ്പോഴും പ്രഖ്യാപിച്ചിട്ടില്ല.
പ്രോജക്ടിന്റെ സുരക്ഷയും വിശ്വാസ്യതയുമാണ് പ്രധാനമെന്ന് മെട്രോലിങ്ക്സ് ഇന്റെറിം CEO മൈക്കിൾ ലിൻഡ്സേ വാർത്താസമ്മേളനത്തിൽ അറിയിച്ചു. സിഗ്നൽ സിസ്റ്റം പരിശോധനകളും യാത്രക്കാരില്ലാതെ നടത്തുന്ന ട്രെയിൻ പരീക്ഷണങ്ങളും ഉൾപ്പെടെയുള്ള സുരക്ഷാ പരിശോധനകൾ പൂർത്തിയാകുന്നതനുസരിച്ചായിരിക്കും ഉദ്ഘാടനം.
“ഈ പ്രോജക്ട് ഈ വർഷം സർവീസിൽ കൊണ്ടുവരാൻ എല്ലാവരും ശരിയായ കാര്യങ്ങൾ ചെയ്യുന്നതായി ഞാൻ കാണുന്നു,” എന്നാണ് ലിൻഡ്സേ പറഞ്ഞത്. ഭാവിയിൽ പ്രശ്നങ്ങൾ ഉണ്ടാകാതിരിക്കാൻ പദ്ധതി ധൃതിപിടിച്ച് പൂർത്തിയാക്കുന്നതിൽ പ്രയോജനമില്ലെന്നും അദ്ദേഹം കൂട്ടിച്ചേർത്തു.
ഗതാഗത മന്ത്രി പ്രഭ്മീത് സർക്കാരിയ തുടർച്ചയായ കാലതാമസത്തിൽ പൊതുജനങ്ങൾക്കുള്ള നിരാശ അംഗീകരിച്ചെങ്കിലും ഒന്റാരിയോയിലുടനീളം ഗതാഗത സംവിധാനം വികസിപ്പിക്കുന്നതിനുള്ള സർക്കാരിന്റെ പ്രതിബദ്ധത ആവർത്തിച്ചു. ഈ വിപുലീകരണം പൂർത്തിയാകുമ്പോൾ ഏഴ് പുതിയ സ്റ്റേഷനുകൾ കൂട്ടിച്ചേർക്കുകയും 37,000-ലധികം ആളുകൾക്ക് പത്ത് മിനിറ്റ് നടന്നാൽ ഗതാഗത സൗകര്യത്തിലേക്ക് എത്താൻ കഴിയുകയും ചെയ്യും
