എഡ്മണ്ടൺ പ്രൈഡ് പരേഡ് ഏഴ് വർഷത്തെ ഇടവേളയ്ക്ക് ശേഷം 2025 ഓഗസ്റ്റ് 23-ന് വീണ്ടും നടത്തുന്നു. എഡ്മണ്ടൺ പ്രൈഡ്ഫെസ്റ്റ് അസോസിയേഷൻ സംഘടിപ്പിക്കുന്ന മൂന്ന് ദിവസത്തെ ഡൗൺടൗൺ ഫെസ്റ്റിവലിന്റെ ഭാഗമായാണ് പരേഡ് നടക്കുന്നത്. 2017-ലാണ് അവസാനമായി പ്രൈഡ് പരേഡ് നടന്നത്. പോലീസ് പങ്കാളിത്തം സംബന്ധിച്ചും മറ്റു വിഭജനം സംഭവിച്ച വിഷയങ്ങൾക്കുമുള്ള ആകാംക്ഷകളാണ് 2019-ലെ പ്രൈഡ് പരേഡ് റദ്ദാക്കലിന് വഴി തുറന്നത്.
എല്ലാവരെയും ഉൾക്കൊള്ളുന്നതും സഹകരണപരവുമായ ഒരു പരിപാടി സംഘടിപ്പിക്കാനാണ് പ്രൈഡ്ഫെസ്റ്റ് അസോസിയേഷൻ ലക്ഷ്യമിടുന്നത്. ഇതിനായി വിവിധ കമ്മ്യൂണിറ്റി ഗ്രൂപ്പുകളുമായി കൂടിയാലോചനകൾ നടത്തിയതായും എല്ലാ സംഘടനകളെയും പങ്കെടുക്കാൻ സ്വാഗതം ചെയ്യുന്നതായും സംഘാടകർ അറിയിച്ചു.BIPOC, ട്രാൻസ് സമൂഹങ്ങളോടൊപ്പം സംവാദം നടത്താൻ വേണ്ട ശ്രമം ഉണ്ടായില്ലെന്ന് ചൂണ്ടിക്കാട്ടുന്നവരിൽ റാറിക്ക നൗ സി.ഇ.ഒ അദേബായോ കറ്റിറ്റിയും ഉൾപ്പെടുന്നു.
ഏറ്റവും ദുർബലരായവരുടെ ശബ്ദങ്ങൾക്ക് പ്രാധാന്യം നൽകേണ്ടതിന്റെ ആവശ്യകത കറ്റിറ്റി ഊന്നിപ്പറഞ്ഞു. പോലീസ്, സൈനിക വിഭാഗങ്ങളുടെ പങ്കാളിത്തം, കോർപ്പറേറ്റ് സ്പോൺസർഷിപ്പ്, ട്രാൻസ്,ബിപിസി, തദ്ദേശീയർ എന്നിവരുടെ പങ്കാളിത്തം തുടങ്ങിയ വിഷയങ്ങളിൽ നിലനിൽക്കുന്ന ആശങ്കകൾ ഇപ്പോഴും പരിഹരിക്കപ്പെട്ടിട്ടില്ല. പരിപാടി പുനരാരംഭിക്കുന്നത് ഒരു നല്ല തുടക്കമാണെങ്കിലും, ഈ വിഷയങ്ങൾ പൂർണ്ണമായി പരിഹരിച്ചോ എന്ന് വ്യക്തമല്ലെന്ന് എവല്യൂഷൻ ഗേ ബാറുകളുടെ സഹ ഉടമ റോബ് ബ്രോവാറ്റ്സ്കെ അഭിപ്രായപ്പെട്ടു. പരേഡിന്റെ തിരിച്ചുവരവിനെ പലരും സ്വാഗതം ചെയ്യുമ്പോഴും, മുൻകാല തെറ്റുകൾ തിരുത്തുന്നതിനും ഭാവിയിൽ എല്ലാവരെയും ഉൾക്കൊള്ളുന്ന ഒരു ആഘോഷം ഉറപ്പാക്കുന്നതിനും കൂടുതൽ സംഭാഷണങ്ങളും ഉത്തരവാദിത്തബോധവും ആവശ്യമാണെന്ന് പൊതുവെ അംഗീകരിക്കപ്പെടുന്നു.
