കോട്ടയം: ജില്ലയിലെ അനധികൃത മദ്യക്കച്ചവടത്തിന്റെ തലപ്പത്തുണ്ടായിരുന്ന ‘സെലിബ്രേഷൻ സാബു’ എന്ന ചാർളി തോമസ് (47) ചങ്ങനാശ്ശേരി എക്സൈസ് സംഘത്തിന്റെ പിടിയിലായി. തൃക്കൊടിത്താനം കണ്ടത്തിൽപറമ്പ് സ്വദേശിയായ ഇയാൾ ദിവസേന 20,000 രൂപയോളം അനധികൃതമായി സമ്പാദിച്ചിരുന്നതായാണ് വിവരം. വളയംകുഴി മോസ്കോ ഭാഗത്ത് റബ്ബർ കമ്പനികളും അന്യസംസ്ഥാന തൊഴിലാളി ക്യാമ്പുകളും കേന്ദ്രീകരിച്ച് ഇയാൾ നടത്തിവന്ന കച്ചവടം ഇതോടെ അവസാനിക്കുന്നു എന്ന് അധികൃതർ പറയുന്നു.
ഏത് ബ്രാൻഡ് മദ്യം ആവശ്യപ്പെട്ടാലും, അത് ഹണി ബീ, സിക്സർ, സെലിബ്രേഷൻ, കൊറിയർ നെപ്പോളിയൻ ആകട്ടെ, പകലെന്നോ പാതിരാത്രിയെന്നോ ഇല്ലാതെ കൃത്യമായി എത്തിച്ചു നൽകുന്നതായിരുന്നു സാബുവിന്റെ രീതി. 400 രൂപ വിലയുള്ള മദ്യം 550 രൂപയ്ക്കാണ് ഇയാൾ വിറ്റിരുന്നത്. ദിവസേന ശരാശരി 150 കുപ്പികളോളം വിറ്റഴിച്ചിരുന്നതായും എക്സൈസ് കണ്ടെത്തി. ഇയാളുടെ ഈ കച്ചവട ശൃംഖലയെക്കുറിച്ചുള്ള രഹസ്യ വിവരത്തെത്തുടർന്നാണ് എക്സൈസ് ഇൻസ്പെക്ടർ അഭിലാഷിന്റെ നേതൃത്വത്തിൽ റെയ്ഡ് നടത്തിയത്.
ഒളിവിൽക്കഴിഞ്ഞിരുന്ന സാബുവിന്റെ മദ്യശേഖരം കണ്ടെത്തുക എക്സൈസിന് വെല്ലുവിളിയായിരുന്നു. ഒടുവിൽ, എക്സൈസ് ഷാഡോ അംഗങ്ങളായ കെ. ഷിജു, പ്രവീൺ കുമാർ എന്നിവർ കമ്പനി സെയിൽസ് എക്സിക്യൂട്ടീവുകളായി വേഷം മാറി ആഴ്ചകളോളം ഈ പ്രദേശത്ത് രഹസ്യാന്വേഷണം നടത്തി. ഈ തന്ത്രപരമായ നീക്കമാണ് തൃക്കൊടിത്താനം സ്വദേശിയായ ചാർളിയുടെ ‘വ്യാജ മദ്യ ഗോഡൗൺ’ കണ്ടെത്താൻ സഹായിച്ചത്.
റെയ്ഡിനിടെ ചാർളിയിൽ നിന്ന് 204 കുപ്പികളിലായി 102 ലിറ്റർ മദ്യമാണ് പിടിച്ചെടുത്തത്. അസി. എക്സൈസ് ഇൻസ്പെക്ടർ (ഗ്രേഡ്) ആൻ്ണി മാത്യു, പ്രിവന്റീവ് ഓഫീസർ (ഗ്രേഡ്) ആർ. രാജേഷ്, സിവിൽ എക്സൈസ് ഓഫീസർമാർ എന്നിവരുൾപ്പെട്ട സംഘമാണ് പ്രതിയെ അറസ്റ്റ് ചെയ്തത്. ആർഭാട ജീവിതം നയിച്ചിരുന്ന ഈ കള്ളുക്കച്ചവടക്കാരനെ കോടതിയിൽ ഹാജരാക്കി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Earning Rs 20,000 a day! Honey Bee will fly in any night: 'Celebration Sabu' caught
