2025-ൽ കാനഡയിൽ നിന്നുള്ള വിമാന ടിക്കറ്റ് ബുക്കിംഗിൽ വലിയ ഇടിവ് സംഭവിച്ച് ഡൽട്ട എയർലൈൻസ് ഫ്ലൈറ്റ് കുറയ്ക്കാൻ ആലോചിക്കുന്നു. യു.എസ് പ്രസിഡന്റ് ഡൊണാൾഡ് ട്രംപിന്റെ ആഗോള താരിഫുകളും വ്യാപാര യുദ്ധങ്ങളും നിലനിൽക്കുന്ന സാഹചര്യത്തിൽ കാനഡയിലേക്കുള്ള സർവീസുകൾ ക്രമീകരിക്കേണ്ടി വരുമെന്ന് ഡെൽറ്റ പ്രസിഡന്റ് ഗ്ലെൻ ഹാലൻസ്റ്റൈൻ സൂചിപ്പിച്ചു.
കാനഡയും യു.എസും തമ്മിലുള്ള ട്രംപിന്റെ സാമ്പത്തിക നയങ്ങൾക്കുള്ള പ്രതിഷേധവും കാനഡയിലെ യാത്രക്കാരെ യു.എസിലേക്കുള്ള വിമാന സർവീസുകൾ കുറക്കാൻ പ്രേരിപ്പിച്ചിരിക്കുന്നു. എയർ കാനഡ, വെസ്റ്റ് ജെറ്റ് തുടങ്ങിയ കനേഡിയൻ വിമാന കമ്പനികളും സമാനമായ കാരണങ്ങളാൽ യു.എസിലേക്കുള്ള വിമാന സർവീസുകൾ വെട്ടിച്ചുരുക്കുകയാണ്. ഈ സംഭവവികാസങ്ങൾ ഡെൽറ്റയുടെ സാമ്പത്തിക സ്ഥിതിയെയും പ്രതികൂലമായി ബാധിച്ചിട്ടുണ്ട്. അതിനാൽ ഈ വർഷത്തേക്കുള്ള സാമ്പത്തിക പ്രവചനങ്ങൾ താൽക്കാലികമായി നിർത്തിവച്ചിരിക്കുകയാണ്.
നിലവിലെ താരിഫ് കണക്കിലെടുത്ത് വിമാനങ്ങളുടെ ഡെലിവറി വൈകിപ്പിക്കുന്നതിനെക്കുറിച്ച് എയർബസുമായി ഡെൽറ്റ ചർച്ചകൾ നടത്തുന്നുണ്ട്. ചെലവ് കുറഞ്ഞ രീതികൾ ഈ പ്രതിസന്ധി ഘട്ടത്തെ മറികടക്കാനും അതുവഴി ലാഭം സംരക്ഷിക്കാനും ഭാവി പ്രവർത്തനങ്ങൾ സുഗമമാക്കാനുമാണ് ഡെൽറ്റയുടെ ശ്രമം.
