പിയേഴ്സൺ വിമാനത്താവളത്തിൽ സംസ്കരിച്ച ചീസുകൾക്കുള്ളിൽ ഒളിപ്പിച്ച നിലയിൽ ഏകദേശം 2 മില്യൺ ഡോളർ (ഏകദേശം 16.5 കോടി രൂപ) വില വരുന്ന കൊക്കെയ്ൻ പിടികൂടി. കഴിഞ്ഞ മാസം ജമൈക്കയിൽ നിന്ന് എത്തിയ ഒരു യാത്രക്കാരനാണ് ഈ സംഭവത്തിൽ അറസ്റ്റിലായത്.
കാനഡ ബോർഡർ സർവീസസ് ഏജൻസി (CBSA) യുടെ അറിയിപ്പ് പ്രകാരം, ജൂലൈ 19-ന് രാജ്യത്തേക്ക് 18 കിലോഗ്രാം കൊക്കെയ്ൻ കടത്താൻ ശ്രമിച്ച യാത്രക്കാരനാണ് കുടുങ്ങിയത്. ചീസ് സൂക്ഷിക്കുന്ന കാനുകൾക്കുള്ളിൽ സംശയാസ്പദമായ രീതിയിൽ കണ്ട പദാർത്ഥങ്ങൾ പരിശോധിച്ചപ്പോഴാണ് അത് കൊക്കെയ്നാണെന്ന് തിരിച്ചറിഞ്ഞത്. കാനുകളുടെ ചിത്രം CBSA സാമൂഹിക മാധ്യമങ്ങളിൽ പങ്കുവെച്ചിട്ടുണ്ട്.
പിടിച്ചെടുത്ത കൊക്കെയ്ൻ കാനുകളും അറസ്റ്റിലായ യാത്രക്കാരനെയും റോയൽ കനേഡിയൻ മൗണ്ടഡ് പോലീസ് (RCMP)-ന് കൈമാറിയതായി CBSA അറിയിച്ചു. യാത്രക്കാരൻ നേരിടാൻ സാധ്യതയുള്ള കുറ്റകൃത്യങ്ങളെക്കുറിച്ച് കൂടുതൽ വിവരങ്ങൾ പുറത്തുവിട്ടിട്ടില്ല. രാജ്യത്തേക്ക് മയക്കുമരുന്ന് കടത്താനുള്ള ശ്രമങ്ങൾ തടയുന്നതിൽ CBSA യുടെ ജാഗ്രത വ്യക്തമാക്കുന്നതാണ് ഈ സംഭവം. മയക്കുമരുന്ന് മാഫിയയുടെ പുതിയ തന്ത്രങ്ങളും ഈ സംഭവം വെളിവാക്കുന്നു.
Cocaine smuggled hidden in cheese; 2 million doctor's drugs seized at Pearson Airport
