പ്രധാനമന്ത്രിയായി ചുമതലയേറ്റ ആദ്യ അഭിമുഖത്തിൽ തന്നെ ദേശീയ ഐക്യത്തോടെ പൈപ്പ്ലൈൻ നിർമ്മാണത്തെ പിന്തുണയ്ക്കുന്നതായി മാർക്ക് കാർണി വ്യക്തമാക്കിയിരുന്നു. പൈപ്പ്ലൈൻ മാത്രം കാനഡയെ ഊർജ്ജ ശക്തിയാക്കില്ലെന്ന് അദ്ദേഹം പറഞ്ഞെങ്കിലും, പരമ്പരാഗത ഊർജ്ജവും ശുദ്ധ ഊർജ്ജവും സംയോജിപ്പിച്ചു കൊണ്ടുള്ള വിശാലമായ ഊർജ്ജ കാഴ്ചപ്പാടിനോട് അദ്ദേഹം തന്റെ തീരുമാനം അറിയിച്ചു. എന്നിരുന്നാലും, അദ്ദേഹത്തിന്റെ മന്ത്രിസഭയിലെ അംഗങ്ങൾ ഈ വിഷയത്തിൽ വ്യത്യസ്ത നിലപാടുകൾ സ്വീകരിക്കുന്നത് നയപരമായ ആശയക്കുഴപ്പം സൃഷ്ടിക്കുന്നുണ്ട്.
കനേഡിയൻ ഐഡൻ്റിറ്റി മന്ത്രിയും മുൻ പരിസ്ഥിതി മന്ത്രിയുമായ സ്റ്റീവൻ ഗിൽബോൾട്ട് എണ്ണയ്ക്കുള്ള ആവശ്യം കുറഞ്ഞു വരുന്നതിനെയും നിക്ഷേപകരുടെ താൽപര്യക്കുറവിനെയും ചൂണ്ടിക്കാട്ടി സംശയം പ്രകടിപ്പിക്കുകയും നിലവിൽ ഉള്ള സൗകര്യങ്ങൾ ഉപയോഗിക്കുന്നതിന്റെ പ്രധാന്യം വ്യക്തമാക്കുകയും ചെയ്തു. മറുവശത്ത്, ഗ്രാമീണ വികസന സെക്രട്ടറി ഓഫ് സ്റ്റേറ്റ് ബക്ലി ബെലാഞ്ചർ, പൈപ്പ്ലൈൻ അംഗീകാരങ്ങളിൽ പ്രവിശ്യാ അധികാരത്തോടുള്ള കാർണിയുടെ തുറന്ന സമീപനത്തെ സ്വാഗതം ചെയ്യുകയും എണ്ണ-വാതക മേഖലയെക്കുറിച്ച് പ്രതീക്ഷ പ്രകടിപ്പിക്കുകയും ചെയ്തു. പ്രകൃതി വിഭവ ഊർജ്ജ മന്ത്രിയുമായ ടിം ഹോഡ്ജ്സൺ, ഊർജ്ജ പദ്ധതികൾ മുന്നോട്ട് കൊണ്ടു പോകുന്നതിന് ശക്തമായ പിന്തുണ നൽകുകയും ചെയ്തു.
പ്രവിശ്യാ തലത്തിലും വ്യത്യസ്ത പ്രതികരണങ്ങളാണ് ഉണ്ടായിരിക്കുന്നത്. ആൽബർട്ട പ്രീമിയർ ഡാനിയേൽ സ്മിത്ത്, കാർണിയുടെ പൈപ്പ്ലൈൻ പിന്തുണയെയും ട്രൂഡോ കാലഘട്ടത്തിലെ പരിസ്ഥിതി നയങ്ങൾ (ബിൽ സി-69, ഉദ്വമന പരിധി തുടങ്ങിയവ) പുനഃപരിശോധിക്കാനുള്ള സന്നദ്ധതയെയും സ്വാഗതം ചെയ്തെങ്കിലും, ഗിൽബോൾട്ടിന്റെ പരാമർശങ്ങൾ ആശയമില്ലാത്തതും ഉപകാര പ്രദമല്ലാത്തതുമാണെന്ന് വിമർശിക്കുകയും ചെയ്തു. ഒന്റാരിയോ പ്രീമിയർ ഡഗ് ഫോർഡും മാനിറ്റോബ പ്രീമിയർ വാബ് കിന്യൂവും ദേശീയ അടിസ്ഥാന സൗകര്യങ്ങളും ഊർജ്ജ പദ്ധതികളും വേഗത്തിലാക്കുന്നതിന് സി-69 നിയമം നീക്കം ചെയ്യുന്നതിനെ പിന്തുണച്ചു.
കാർണി ഊർജ വികസനത്തിൽ കൂടുതൽ ലളിതവും സഹകരണപരവുമായ സമീപനം സ്വീകരിക്കുന്നുണ്ടെങ്കിലും, മന്ത്രിസഭയിലെ വ്യത്യസ്ത അഭിപ്രായങ്ങൾ നയത്തിലെ ഉറച്ച നിലപാട് കുറിച്ച് ചില ആശങ്കകൾ സൃഷ്ടിക്കുന്നു. വരും ദിവസങ്ങളിൽ ഈ വിഷയത്തിൽ കൂടുതൽ വ്യക്തത കൈവരിക്കുമെന്ന് പ്രതീക്ഷിക്കുന്നു, എന്നാൽ നിലവിൽ കാനഡയുടെ ഊർജ്ജ ഭാവി സംബന്ധിച്ച് ആശയക്കുഴപ്പം നിലനിൽക്കുന്നുണ്ട്.
