സസ്കാറ്റൂണിൽ പുതുവത്സര ആഘോഷങ്ങൾക്കിടെ വാഹനാപകടം; കാറുകൾ കൂട്ടിയിടിച്ച് രണ്ട് പേർക്ക് ദാരുണാന്ത്യം

സസ്കാറ്റൂൺ: പുതുവത്സര ആഘോഷങ്ങൾക്കിടെ സസ്കച്ചെവാനിലുണ്ടായ വാഹനാപകടത്തിൽ രണ്ട് പേർ മരിച്ചു. വ്യാഴാഴ്ച പുലർച്ചെ ഹൈവേ 219-ൽ ഗ്രാസ്‌വുഡ് റോഡിന് സമീപമാണ് അപകടം നടന്നത്. രണ്ട് വാഹനങ്ങൾ തമ്മിൽ കൂട്ടിയിടിച്ചാണ് അപകടമുണ്ടായതെന്ന് സസ്കാറ്റൂൺ ഫയർ ഡിപ്പാർട്ട്‌മെന്റ് (SFD) അറിയിച്ചു.

പുലർച്ചെ 3:27 ഓടെയാണ് അപകടത്തെക്കുറിച്ചുള്ള വിവരം അഗ്നിരക്ഷാ സേനയ്ക്ക് ലഭിക്കുന്നത്. സംഭവസ്ഥലത്ത് എത്തിയ രക്ഷാപ്രവർത്തകർ കണ്ടത് തകർന്ന നിലയിലുള്ള രണ്ട് വാഹനങ്ങളാണ്. രണ്ട് വാഹനങ്ങളിലും ഡ്രൈവർമാർ മാത്രമാണ് ഉണ്ടായിരുന്നത്. ഇരുവരും സംഭവസ്ഥലത്ത് തന്നെ മരണപ്പെട്ടതായി പാരാമെഡിക്കൽ സംഘം സ്ഥിരീകരിച്ചു.

അപകടത്തെത്തുടർന്ന് വാഹനങ്ങൾക്കുള്ളിൽ കുടുങ്ങിപ്പോയ മൃതദേഹങ്ങൾ പ്രത്യേക യന്ത്രങ്ങൾ ഉപയോഗിച്ചാണ് അഗ്നിരക്ഷാ സേന പുറത്തെടുത്തത്. തുടർന്ന് ഈ പാതയിലുള്ള ഗതാഗതം താൽക്കാലികമായി നിയന്ത്രിക്കുകയും പ്രദേശം സുരക്ഷിതമാക്കുകയും ചെയ്തു. അപകടത്തിന്റെ കാരണം കണ്ടെത്താനായി പോലീസ് വിശദമായ അന്വേഷണം ആരംഭിച്ചിട്ടുണ്ട്. മരിച്ചവരെക്കുറിച്ചുള്ള കൂടുതൽ വിവരങ്ങൾ അധികൃതർ ഇതുവരെ പുറത്തുവിട്ടിട്ടില്ല.

കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt

Two killed in car crash during New Year's Eve celebrations in Saskatoon